-
-
-
Ла-лига 21.04.2025 00:00 Реал Мадрид 1 - 0 Атлетик Бильбао Суперлига 21.04.2025 20:00 Сурхон 1 - 0 Навбаҳор АПЛ 22.04.2025 00:00 Тоттенхэм 1 - 2 Ноттингем Форест Ла-лига 22.04.2025 00:00 Жирона 1 - 3 Бетис Ла-лига 22.04.2025 22:00 Валенсия - Эспаньол АПЛ 23.04.2025 00:00 Манчестер Сити - Астон Вилла Ла-лига 23.04.2025 00:30 Барселона - Мальорка «A» Серия 23.04.2025 21:30 Парма - Ювентус «A» Серия 23.04.2025 21:30 Женоа - Лацио «A» Серия 23.04.2025 21:30 Кальяри - Фиорентина «A» Серия 23.04.2025 21:30 Торино - Удинезе Ла-лига 23.04.2025 22:00 Атлетик Бильбао - Лас-Пальмас Ла-лига 23.04.2025 22:00 Сельта - Вильярреал АПЛ 24.04.2025 00:00 Арсенал - Кристал Пэлас -
Владимир Бубаня: «Финални кўтаринки кайфият билан кутяпман»
Баҳо: 0Бўлим: ЎЗБЕК ФУТБОЛИ » Ўзбекистон кубоги » Финал
Рукн: Интервьюлар
Ўзбекистон Кубоги финалига 4 кун қолди. Ҳамманинг эътибори 5 октябрь куни Фарғонадаги «Истиқлол» стадионида бўлиб ўтадиган «Навбаҳор» – «Андижон» иштирокидаги тарихий учрашувга қаратилган.
«Бургутлар»нинг бўлажак муҳим беллашувга тайёргарлиги режа асосида олиб борилмоқда. Эътиборлиси, «Андижон»да тўп сураётган сербиялик легионер Владимир Бубаня 2018 йили Ўзбекистон Кубогини қўлга киритган. Қизиғи, айнан Фарғонадаги «Истиқлол» стадионида бу ишни уддалаган ва у «Андижон»да Ўзбекистон Кубогини ютган ягона футболчидир.
Ҳозирда ушбу ўйинчи яна бир бор ва бу сафар «Андижон» билан бирга «Истиқлол» стадионида Кубокни ютишни асосий мақсад қилиб қўйган.
Владимир ҳал қилувчи баҳс олдидан клуб матбуот хизматининг бир қатор саволларга жавоб қайтарди.
— Сиз «Андижон»даги Ўзбекистон Кубогини ютган ягона футболчисисиз. 2018 йили Фарғонадаги «Истиқлол» стадионида ОКМК таркибида «Пахтакор»ни 3:1 ҳисобида мағлуб этгансизлар. Ўшанда ҳамма «Пахтакор»нинг ғалабасига ишонганди. Орадан 6 йил ўтиб сиз яна ўша «Истиқлол»да, яна Кубок финалидасиз. Тарих такрорланяпти...
— Ҳа, мен 2018 йилги финалда ўйнагандим. Мен учун бу ўша пайтдаги энг муҳим ўйин эди. Чунки биринчи марта финалда ўйнаётгандим. «Пахтакор» ўшанда ниҳоятда кучли жамоа эди. Лекин ўшанда ҳеч ким бизнинг ғалабамизни кутмаганди. Бироқ футболда ҳамма нарса бўлиши мумкин ва биз ўша ўйинни ютгандик.
— «Андижон» билан бу йил Ўзбекистон Кубоги мусобақасига илк бор киришганингларда финалгача етиб келишингизга қанчалик ишонгандингиз?
— Ҳар биримиз футболда ғалаба қозониш учун майдонга тушамиз. Шу сабабли мен ҳам бунга ишонганман.
— Финал олдидан нималарни ўйлаяпсиз?
— Ишонаманки, стадион мухлислар билан тўлади ҳамда водийда байрам бўлади. Бу ўйинни жуда кўтаринки кайфият билан кутяпман.
— «Андижон» ҳам, «Навбаҳор» ҳам чемпионатда керакли натижаларни кўрсата олмаяптилар. Балки бу Кубок финалнинг эффектидир...
— Ҳа, ўйлайманки, бизда ҳам, «Навбаҳор»да ҳам мувозанат тушиб кетди. Шунинг учун бир қанча ўйинларни кўнгилдагидек ўтказа олмадик.
— Кубок финалига тайёргарлик кўришда асосий эътибор нимага қаратиляпти?
— Кубок финалини муносиб ўтказиш, мудофаада мустаҳкам туриш ва ўз имкониятларимиздан фойдаланишимиз зарур, деб ҳисоблайман.
— Бу тарихий ҳамда унутилмас ўйин. Мақсад аниқ ва бундай пайтда ортиқча мотивация ҳам керак бўлмаса керак-а ёки аксинчами?
— Ҳа, катта мотивация менимча ҳеч кимга керак эмас. Шуни айтиш мумкинки, бу фақатгина йил ўйини эмас, футболчининг фаолияти учун ҳам унутилмас бўлиб қолади.Манба: andijanfc.uz.Киритилган сана: 01.10.2024 06:43.
Ўқилди: 1112 марта.
Билдирилган фикрлар: 3 та.
Турнир жадвали
| № | Жамоа | Ў | О |
|---|---|---|---|
| 1 | ОКМК | 6 | 16 |
| 2 | Насаф | 6 | 14 |
| 3 | Бунёдкор | 6 | 12 |
| 4 | Динамо | 6 | 12 |
| 5 | Андижон | 6 | 9 |
| 6 | Нефтчи | 6 | 9 |
| 7 | Навбаҳор | 6 | 8 |
| 8 | Хоразм | 5 | 7 |
| 9 | Қизилқум | 5 | 7 |
| 10 | Пахтакор | 6 | 6 |
| 11 | Бухоро | 6 | 6 |
| 12 | Қўқон-1912 | 6 | 6 |
| 13 | Сурхон | 6 | 6 |
| 14 | Машъал | 6 | 6 |
| 15 | Сўғдиёна | 6 | 4 |
| 16 | Шўртан | 6 | 1 |
Ўтган ўйинлар
| 6-тур | Хоразм | 0-0 | Бунёдкор |
| 6-тур | Қизилқум | 1-0 | Қўқон-1912 |
| 6-тур | Шўртан | 0-1 | Машъал |
| 6-тур | Бухоро | 1-3 | Насаф |
| 6-тур | Нефтчи | 0-4 | Пахтакор |
| 6-тур | Андижон | 1-2 | Динамо |
| 6-тур | ОКМК | 3-2 | Сўғдиёна |
| 6-тур | Сурхон | 1-0 | Навбаҳор |
Навбатдаги ўйинлар
| 4-тур | Қизилқум | - | Хоразм |
|
|
|