• 
• • Асосий
  • Евро-2016
  • Башорат
  • Викторина
  • Блог
  • Live!
  • Конференция
  • ТВ-Программа
  • Реклама

• «A» Серия	31.12.2024 00:45		Болонья	2	-	3	Верона
  АПЛ	31.12.2024 00:45		Ипсвич	2	-	0	Челси
  АПЛ	31.12.2024 00:45		Астон Вилла	2	-	2	Брайтон
  АПЛ	31.12.2024 01:00		Ман. Юнайтед	0	-	2	Ньюкасл
  АПЛ	01.01.2025 22:30		Брентфорд		-		Арсенал

• ОЧЛ-2. “Насаф” ўзи уйида “Кувайт СК”га мағлуб бўлди

  Баҳо:

  0

  Бўлим: ОСИЁ » Чемпионлар лигаси » Гуруҳ босқичи

  Рукн: Шарҳлар ва Анонслар

  ОЧЛ-2 турнирининг 5-туридан ўрин олган ўйин 27 ноябрь, чоршанба куни бўлиб ўтди.
  
  “Насаф” Қаршидаги “Марказий” стадионида “Кувайт СК”га қарши баҳс олиб борди. Учрашувнинг 43-дақиқасида Зоран Марушич ҳисобни очди.
  
  Иккинчи бўлим аввали – 47 дақиқада эса Яҳё Жабране пенальтидан ҳисобни тенглаштирди. Орадан 8 дақиқа ўтиб, Аҳмад Исмоил гол уриб, жамоасини ҳисобда олдинга олиб чиқди. Қаршиликлар ўйин охирига қадар қанчалик ҳаракат қилишмасин, рақиб дарвозасига йўл топа олишмади. Боз устига, қўшиб берилган дақиқаларда Абдувоҳид Неъматов майдондан четлатилди. У сўнгги турда "Насаф"га ёрдам бера олмайди.
  
  "Насаф" ушбу мағлубиятдан кейин 4 очко билан "D" гуруҳида 4-поғонага тушган бўлса, "Кувайт СК" 5 очко билан 3-ўринга кўтарилди. "Аждарлар" кейинги босқичга чиқиш имкониятни сақлаб қолиши учун ҳозир бўлиб ўтаётган "Ал-Ҳуссайн" - "Шабаб ал-Аҳли" ўйинида мезбонлар ғалаба қозониши керак.
  
  Рўзиқул Бердиев жамоаси илк турда “Кувайт” билан 0:0 ҳисобида дуранг қайд этганди. 2-турда эса “Шабоб ал Аҳли”ни мағлуб этганди. 3-турда айнан “Ал Ҳуссейн”га қарши баҳсда 1:2 ҳисобида мағлуб бўлганди. 4-турда эса “Насаф” “Ал Ҳуссейн”га 1:2 ҳисобида имкониятни бой берганди.
  
  ОЧЛ-2, 5-тур баҳси
  27 ноябрь, чоршанба
  “Насаф” – “Кувайт СК” 1:2
  Голлар: 1:0 — 43 Зоран Марушич, 1:1 — 47 Яҳё Жабране (пенальти), 1:2 — 55 Аҳмад Исмоил.
  “Насаф”: 35.Абдувоҳид Неъматов, 4.Дилшоджон Комилов, 5.Ғолиб Ғайбуллаев (6.Муродбек Раҳматов, 62), 7.Акмал Мозговой, 9.Жавоҳир Сиддиқов, 10.Бобур Абдуҳолиқов (20.Виктор да Сильва, 62), 19.Стефан Чолович, 22.Игор Голбан, 32.Зоран Марушич, 34.Шерзод Насруллаев, 70.Жамбули Жигаури.
  “Кувайт СК”: 40.Абдулраҳмон Марзуқ, 2.Сами Ал-Сана, 8.Аҳмад Ал Дефири, 9.Файсал Ал Ҳарби, 11.Муҳаммад Абдуллоҳ, 14.Амр Аҳмад Исмоил, 22.Амине Абулфатҳ, 23.Муҳаммад Ал Рашиди, 27.Таҳа Яссин Кенисси, 35.Арсене Зола Kiaку, 37. Яҳё Жабране.
  Четлатиш: Абдувоҳид Неъматов 90+5

  Манба: daryo.uz.

  Киритилган сана: 27.11.2024 21:13.
  Ўқилди: 1208 марта.
  Билдирилган фикрлар: 60 та.

  

Турнир жадвали