• 
• • Асосий
  • Евро-2016
  • Башорат
  • Викторина
  • Блог
  • Live!
  • Конференция
  • ТВ-Программа
  • Реклама

• АПЛ	28.12.2024 00:30		Брайтон	0	-	0	Брентфорд
  АПЛ	28.12.2024 01:15		Арсенал	1	-	0	Ипсвич
  «A» Серия	28.12.2024 19:00		Эмполи	1	-	2	Женоа
  «A» Серия	28.12.2024 19:00		Парма	2	-	1	Монца
  «A» Серия	28.12.2024 22:00		Кальяри	0	-	3	Интер
  «A» Серия	29.12.2024 00:45		Лацио	1	-	1	Аталанта
  «A» Серия	29.12.2024 16:30		Удинезе		-		Торино
  «A» Серия	29.12.2024 19:00		Наполи		-		Венеция
  АПЛ	29.12.2024 19:30		Лестер		-		Манчестер Сити
  АПЛ	29.12.2024 20:00		Тоттенхэм		-		Вулверхэмптон
  АПЛ	29.12.2024 20:00		Кристал Пэлас		-		Саутгемптон
  АПЛ	29.12.2024 20:00		Эвертон		-		Ноттингем Форест
  АПЛ	29.12.2024 20:00		Фулхэм		-		Борнмут
  «A» Серия	29.12.2024 22:00		Ювентус		-		Фиорентина
  АПЛ	29.12.2024 22:15		Вест Хэм		-		Ливерпуль
  «A» Серия	30.12.2024 00:45		Милан		-		Рома
  «A» Серия	30.12.2024 22:30		Комо		-		Лечче

• Марк Касадо: «Очиғи, Хави менга унча ишонмаганди...»

  Баҳо:

  +1

  Бўлим: ЕВРОПА » Миллий чемпионатлар » Испания Ла-лигаси

  Рукн: Интервьюлар

  Испания миллий жамоаси ва «Барселона» клубининг янги умиди Марк Касадо яқинда Catalunya Rаdio нашрига ихчамгина интервью берди.

  Жорий мавсум кашфиётларидан бири суҳбат жараёнида «блауграна»нинг собиқ бош мураббийи Хави билан унча чиқишолмагани юзасидан ошкора гапирди, шунингдек, ўзига хос одатлари, бошқалардан ажралиб туриш хоҳиши ҳақида тўхталди, яна клуб афсонаси Серхио Бускетсга қиёсланаётганига муносабат билдирди.

  Одатлари ва характери 

  - Совринларга ўч йигитман. Иштиёқим дейлик, теннис юлдузи Рафаэль Надалникидек кучлими? Билмадим. Фақат айтишим мумкинки, менда мақсад ва интилиш жуда юқори. Одатларим ҳам ўзгача. Масалан, ҳамиша муайян рақамли футболкада ўйнашни истайман. Жумладан, ҳар кунлик либосларимда ҳам 6-рақамни ифодалайдиган қандайдир белги бўлиши керак. Шунингдек, хоҳ уйда, хоҳ кийиниш хонасида бўлсин, оёқ кийимимни сумкага бир хил ҳолатда жойлайман. Қисқаси, ҳар ишда тартибни биринчи ўринга қўяман. Чунончи, кўпчилик унча эътибор қаратмайдиган бу каби майда жиҳатлар ҳам ички хотиржамлик бағишлайди.

  Хави билан диалог...

  - Агар мураббий сизга ишонмаса, у билан гаплашиб, қандай камчиликларга йўл қўяётганингиз, унга қайси жиҳатда ёқмаётганингизни билиб олишингиз муҳим. Ўтган мавсум худди шундай қилдим. Чунончи, жамоамиз бир ҳафта ичида «Бетис» ва «Антверпен»ни йирик ҳисобларда доғда қолдирди, аммо мураббий 2та ўйинда ҳам менга амалиёт тақдим этмади. Шунда барчасини Хави билан алоҳида муҳокама қилишга жазм этдим. Аниқроқ айтсам, ундан кўпроқ имкониятга эга бўлиш учун қайси жиҳатларни яхшилашим зарурлиги ҳақида сўрамоқчи эдим. Бироқ суҳбатимиз ёқимсиз тус олди, ҳозир Хави айнан нима деганини келтиришни истамайман. Шундан сўнг Ла Лигада мавсум охирлаб бораётган вақтдагина 3-4та ўйинда майдонга тушдим (2тасида атиги 13 дақиқа тўп сурганди)... 

  Алоҳида устун томонлари

  - Ўйлайманки, универсал футболчилар тоифасига кираман. «Барселона» таркибида тўп билан мўъжиза кўрсатишга қодир ижрочилар етарли. Менимча, серқирралик бобида улардан асло қолишмайман. Эҳтимол, ўзига яраша устун жиҳатларим ҳам бордир. Умуман, жамоадошларимга ҳурмат сақлаган ҳолда айтаман, «Барса»да универсаллик бобида олдимга тушадигани топилмаса керак.

  Бускетс билан таққосланиши 

  - Футболни тушуниш борасида Бускетсга ўхшашимни айтсам, нокамтарлик бўлади. Лекин айнан унинг изидан боришни хоҳлайман. Серхио ҳамиша барқарор ўйин намойиш этиш асносида ҳурмат қозонган. Балки жисмоний кўрсаткичларни олсак, ўртамизда катта фарқ бордир, муҳими, таянч нуқтасида ўйнашга зарур бошқа фазилатлар ҳам бор. Масалан - самарали узатма қобилияти. Бошида бу масалада анча нўноқ эдим, кейин узатма қобилияти бирдан шаклландики, ўзим ҳам бироз ҳайрон қолдим. Қисқаси, тажриба ортгани сайин шерикларимга ҳужумда қулай имконият яратиб беришга қодирлигимни тушундим.

  Асосий жамоага ўтиш...

  - Кўпчилик наздида футболчи 21 ёшига қадар асосий жамоага қўшилиши керак. Чиндан ҳам, шундай. Агар 20-21 ёшгача катталар сафига киролмасангиз, унда муваффақиятга эришишингиз анча қийинлашади. Лекин алоҳида таъкидлашим жоиз, қадамма-қадам олға интилиш ҳар доим ҳам шахс, ҳам футболчи сифатида ривожланишингизга ёрдам беради. Ҳозир элит савияда тўп сураётганим замирида ҳам айнан кучли интилиш ётибди, албатта.

   М.ПЎЛАТОВ тайёрлади

  Манба: «Интерфутбол» газетаси.

  Киритилган сана: 15.12.2024 08:49.
  Ўқилди: 917 марта.
  Билдирилган фикрлар: 0 та.

  

Турнир жадвали