-
-
-
Ла-лига 21.04.2025 00:00 Реал Мадрид 1 - 0 Атлетик Бильбао Суперлига 21.04.2025 20:00 Сурхон 1 - 0 Навбаҳор АПЛ 22.04.2025 00:00 Тоттенхэм 1 - 2 Ноттингем Форест Ла-лига 22.04.2025 00:00 Жирона 1 - 3 Бетис Ўзбекистон кубоги 22.04.2025 16:00 Замин - Қизилқум Ўзбекистон кубоги 22.04.2025 16:30 Сирдарё ФА - Олимпик MobiUz Ўзбекистон кубоги 22.04.2025 16:30 Андижон ФА - Қўқон-1912 Ўзбекистон кубоги 22.04.2025 18:00 Хоразм - Жайхун Ла-лига 22.04.2025 22:00 Валенсия - Эспаньол АПЛ 23.04.2025 00:00 Манчестер Сити - Астон Вилла Ла-лига 23.04.2025 00:30 Барселона - Мальорка «A» Серия 23.04.2025 21:30 Торино - Удинезе «A» Серия 23.04.2025 21:30 Парма - Ювентус «A» Серия 23.04.2025 21:30 Женоа - Лацио «A» Серия 23.04.2025 21:30 Кальяри - Фиорентина Ла-лига 23.04.2025 22:00 Сельта - Вильярреал Ла-лига 23.04.2025 22:00 Атлетик Бильбао - Лас-Пальмас АПЛ 24.04.2025 00:00 Арсенал - Кристал Пэлас -
Асрор Алиқулов «Машъал»ни қандай қилиб кучлилар қаторига қайтаргани ҳақида
Баҳо: 0Бўлим: ЎЗБЕК ФУТБОЛИ » ПФЛ клублари » Машъал
Рукн: Интервьюлар
Мана, 2024 йилги футбол мавсуми тарихга айланди. Суперлига-2025да иштирок этадиган 16та клуб ҳам маълум.
Жумладан, Про лигада ғолиблик шоҳсупасига кўтарилган «Машъал» (Муборак) Суперлига йўлланмаси ортидан қутловлар олишда давом этмоқда. Албатта, «газчилар»нинг кичик олтин медаль соҳибига айланишгани замирида катта куч бор - аҳил жамоа, ҳомийлар эътибори, раҳбарият жонкуярлиги ва фидокор мухлислар армияси. Махсус мухбиримиз яқинда «Машъал»ни марра сари етаклаган бош мураббий Асрор Алиқуловга бир қатор саволлар билан мурожаат қилди.
- Асрор Чориевич, аввало, Суперлига йўлланмаси билан табриклаймиз.
- Катта раҳмат, қутловлар ёқимли, албатта. Шунинг баробарида бунинг ортида масъулият ҳам бор.
- Эътиборли томони, «Машъал» бошқарувида иккинчи марта шундай ютуққа эришдингиз.
- Ҳа, 2018 йили ҳам жамоа билан элита йўлланмасини қўлга киритгандик. Бу сафаргиси сал бошқача. Чунки Про лигада ўта кучли рақобат юзага келган эди.
- Ўзи мавсум бошида жамоанинг Суперлигага чиқиш салоҳиятига ишонганмидингиз?
- Очиғи, бу ҳақда ўйлаб кўрмагандик. Бинобарин, жамоани қайта шакллантиришга асосий вазифа сифатида қарадик. Таркибда янги футболчилар кўплигидан уларни ҳам назарий, ҳам амалий томондан тайёрлаш талаб этиларди. Орада 2-3-ўринларда юрдик, кейин 1-ўринга чиқиб олганимиз йигитларимизда ишонч ҳиссини оширди. Шу аснода ғолиблик сари интилдик.
- Ҳумоён Муртазоевнинг жамоага қайтиши ҳам катта ёрдам берди...
- Ҳумоён аслида Суперлига даражасидаги футболчи. Бироқ «Турон»да маълум вақт амалиётсиз қолганди. Дастлаб футболчининг тикланиш жараёни бироз қийин кечди. Муҳими, у ўз устида тинимсиз ишлади ва 16та гол билан лигада бош тўпурар бўлди.
- Яна қайси футболчиларнинг тажрибаси натижада муҳим аҳамият касб этди?
- «Машъал»нинг муваффақияти - жамоа аҳиллигида. Шундай экан, ҳозир бирор йигитни алоҳида ажратиб кўрсатишим ноўрин. Умуман, таркибда катта тажриба тўплаган футболчининг ўзи йўқ эди. Етакчи масаласида муаммога дуч келганимиз ҳам рост. Асосийси, яхлит куч бўлиб олдинда интилдик.
- Мавсум боши ва ўртасида баъзи футболчилардан айрилдингиз. Уларнинг ўрнини тўлдиришда қийналмадингизми?
- Ҳа, селекция ишларида қийинчилик туғилди. Янги футболчиларда эса амалиёт етарли эмасди. Яхшики, улар жамоага қисқа футсатда мослашишди. Айниқса, «Металлург»дан таклиф этилган ҳимоячи Исмоил Эргашев ўйинидан қониқдик.
- Про лига ва Суперлига ўртасида фарқ катта, барибир. Буни «Қизилқум»даги фаолиятингиздан ҳам биласиз. Хўш, Муборак футболи кучлилар қаторида барқарор жой олишига ишонасизми?
- Барчаси футболчилар савиясига боғлиқ. Энди селекцияга эътиборни оширамиз, таркиб янада кучайтирилади. Бош ҳомий - Миллий банк раҳбариятидан мамнунмиз. Жамоани ҳар томонлама қўллаб-қувватлаш жойида. Янги мавсумда ҳам бу йўлда кенг кўламли ишлар амалга оширилишига шубҳам йўқ.
- Янги мавсумда таркибга «Машъал» академияси тарбияланувчиларини жалб этиш режаси ҳам борми?
- Албатта. Ахир клубимиз сиёсати шундай. 2024 йили бунга қатъий амал қилдик. Янги мавсумда ҳам истеъдодли ёшларни таркибга тортиш йўлини маҳкам ушлаймиз. Ягона мақсад - «Машъал»нинг барқарорлигини таъминлаб, Суперлига жамоалари сафидан мустаҳкам ўрин олишини таъминлаш. Ўз навбатида, барча мухлислар, жумладан, «ИнтерФутбол» ўқувчиларини яқинлашаётган Янги йил байрами билан самимий қутлайман. Илоҳим, янги йил барчамизга бахт-иқбол келтирсин, ўзбек футболи ютуқларидан баҳра олиб яшашдан қалбимизни мунаввар этсин...
Ҳусан ТЕМИРОВ суҳбатлашди
Манба: «Интерфутбол» газетаси.Киритилган сана: 22.12.2024 20:02.
Ўқилди: 1158 марта.
Билдирилган фикрлар: 0 та.
Турнир жадвали
| № | Жамоа | Ў | О |
|---|---|---|---|
| 1 | ОКМК | 6 | 16 |
| 2 | Насаф | 6 | 14 |
| 3 | Бунёдкор | 6 | 12 |
| 4 | Динамо | 6 | 12 |
| 5 | Андижон | 6 | 9 |
| 6 | Нефтчи | 6 | 9 |
| 7 | Навбаҳор | 6 | 8 |
| 8 | Хоразм | 5 | 7 |
| 9 | Қизилқум | 5 | 7 |
| 10 | Пахтакор | 6 | 6 |
| 11 | Бухоро | 6 | 6 |
| 12 | Қўқон-1912 | 6 | 6 |
| 13 | Сурхон | 6 | 6 |
| 14 | Машъал | 6 | 6 |
| 15 | Сўғдиёна | 6 | 4 |
| 16 | Шўртан | 6 | 1 |
Ўтган ўйинлар
| 6-тур | Хоразм | 0-0 | Бунёдкор |
| 6-тур | Қизилқум | 1-0 | Қўқон-1912 |
| 6-тур | Шўртан | 0-1 | Машъал |
| 6-тур | Бухоро | 1-3 | Насаф |
| 6-тур | Нефтчи | 0-4 | Пахтакор |
| 6-тур | Андижон | 1-2 | Динамо |
| 6-тур | ОКМК | 3-2 | Сўғдиёна |
| 6-тур | Сурхон | 1-0 | Навбаҳор |
Навбатдаги ўйинлар
| 4-тур | Қизилқум | - | Хоразм |
|
|
|