Шэнчжэнда U-20 Осиё Кубоги 2-туридан ўрин олган баҳслар ўтказилмоқда.
Унда “C” гуруҳи доирасида Ўзбекистон терма жамоаси Индонезияга қарши майдонга чиқди.
Учрашувнинг 21-дақиқасида Муҳаммадали Ўринбоев ҳисобни очган бўлса, орадан 2 дақиқа ўтиб Равеҳ мувозанатни тиклади.
Иккинчи бўлим аввалида эса Абдуғофур Ҳайдаров ҳисобни оширди. 63-дақиқага келиб Саидумархон Саиднуруллаев орадаги фарқни иккитага оширди. Якуний натижа – 1:3.
1-турда Ўзбекистон Яманни минимал ҳисобда мағлуб этган эди. Шу тариқа, ёшлар терма жамоамиз муддатидан олдин чорак финал йўлланмасини қўлга киритишди.
U-20 Осиё кубоги
“C” гуруҳи. 2-тур
Индонезия – Ўзбекистон 1:3
Голлар: 0:1 — 21, Муҳаммадали Ўринбоев, 1:1 – 23, Raveн, 1:2 – 47, Абдуғофур Ҳайдаров, 1:3 – 63, Саидумархон Саиднуруллаев
Индонезия U-20: 3.Ал Ғаффори, 4.Арел, 5.Буффон (17.Ҳидаят, 57), 6.Флораста (8.Варман, 80), 9.Равеҳ, 13.Шева, 15.Ола (20.Раҳмон, 87), 16.Памунгкас, 18.Фирмансяҳ, 19.Рагил (7.Абдулманнон, 56), 21.Гвижангге (11.Паҳлави, 87).
Ўзбекистон U-20: 12.Муҳаммадюсуф Собиров, 2.Саидхон Ҳамидов, 5.Азизбек Тўлқинбеков (4.Ғиёс Ризоқулов, 76), 6.Равшан Хайруллаев, 7.Далер Тухсанов (11.Мурод Комилов, 75), 9.Саидумархон Саиднуруллаев, 10.Муҳаммадали Ўринбоев (19. Рустамбек Фомин, 67), 13.Беҳруз Жуматов, 20.Дилшод Абдуллаев, 22.Асилбек Жумаев (17.Оллоберган Каримов, 85), 23.Абдуғофур Ҳайдаров (16.Муҳаммадали Рейимов, 85).
Огоҳлантириш: Ғиёс Ризоқулов (90+3).
