"Интер Майами" ҳужумчиси Лионель Месси ўз фаолияти ҳақида фикр билдирди.
"Болалигимда вақти келиб футболчилик фаолиятим бундай бўлади, деб ўйламагандим. Бундай карьерага эришишни тасаввур ҳам қилмаганман. Менинг ягона мақсадим профессионал футболчи бўлиш ва футбол ўйнаш эди. Болалигимдан футболни яхши кўрардим. Мен футболни яхши кўраман, рақобатни ёқтираман ва ғалабаларни севаман. Аллоҳ менга берган ва эришган барча нарсалар учун ундан миннатдорман.
Футболда жамоалар билан, шу жумладан миллий жамоа билан ҳам, шунингдек, шахсий совринлар борасида ҳам барча нарсага эришиш бахтига муяссар бўлдим. Мен бундай нарсани сўрашга ҳам журъат қилмасдим. Менга Яратгандан жуда кўп инъомлар олдим. Аллоҳ менга ҳамма нарсани ато этди ва барчаси учун ундан миннатдорман", — деди Месси Apple Music’га берган интервьюсида.
Эслатиб ўтамиз, Месси 2023 йил ёзида "Интер Майами"га қўшилган. Футболчининг клуб билан амалдаги меҳнат шартномаси 2025 йил охиригача давом этади.
