"Манчестер Юнайтед" ва Англия терма жамоасининг собиқ ҳужумчиси Уэйн Руни жамоат жойида ҳожат чиқаргани учун жаримага тортилиши мумкин. Бу ҳақда "Daily Mail" нашри хабар бермоқда.
Манбанинг маълумотига кўра, Англия терма жамоасининг собиқ сардори Лондонда девор ёнида ҳожат чиқараётган пайтида кўзга ташланган. Бу воқеа Уэйн дўстлари билан Лондондаги икки барда дам олган кечада содир бўлган. Шу кечада рўй берган воқеалар, жумладан ушбу ҳодиса суратга олинган. Буюк Британияда жамоат жойида ҳожат чиқариш жиноят деб ҳисобланиши мумкин ва бу учун жарима ёки ҳатто суд ишлари қўзғатилиши эҳтимоли бор.
Руни камерага тушган Вестминстер шаҳар кенгаши жамоат жойида ҳожат чиқарганлар учун 1000 фунт миқдорида жарима солади. Аммо полиция маълум қилишича, "Плимут" жамоасининг собиқ мураббийига нисбатан ҳеч қандай шикоят келиб тушмаган. Шуни таъкидлаш керакки, бу Рунининг биринчи бундай ҳолати эмас. 2013 йилда ҳам у Манчестердаги Далтон кўчасида ахлат қутиси ёнида ҳожат чиқараётган пайтида суратга олинган эди.
Руни ўз профессионал футболчилик фаолияти давомида "Эвертон", АҚШнинг "Ди-Си Юнайтед" ва "Дерби Каунти" жамоаларида тўп сурган.
