Англиянинг «Ливерпуль» клуби собиқ таҳлил бўлими директори Иан Грэмнинг айтишича, жамоа бош мураббийи Юрген Клопп 2017 йил ёзида «Рома» вингери Муҳаммад Салоҳни сотиб олишга қарши бўлган.
«Юргеннинг ўша ёздаги асосий варианти Юлиан Брандт эди. У ажойиб футболчи эди. Юрген уни жуда яхши биларди, чунки у Бундеслигада ўйнаган ва немис бозорини яхши тушунарди. Биз ҳам Брандт ёш ва иқтидорли футболчи эканлигига қўшилдик, аммо у Салоҳдек ажралиб турмасди. Бизнинг маълумотлар таҳлилига кўра, ўша пайтда Муҳаммад Европадаги энг яхши ёш вингерлардан бири эди. «Рома» молиявий муаммолар туфайли уни сотишга мажбур эди, шунинг учун биз уни муносиб нархда харид қилиш мумкинлигини билардик.
У ўша вақтда бизга керак бўлган қанот ҳужумчиси ролида ўйнарди, Брандт эса кўпроқ ҳужумкор яримҳимоячи эди. Юрген ҳақиқатдан ҳам очиқ фикрли киши, у муҳокамага ростгўйлик билан ёндашди ва: «Хоп, мен тасдиқлашга очиқман, менга кўрсатинг, нима учун Салоҳ яхшироқ экан?» деди», — дея ёзиб қолдирди Грэм BBC телеканалидаги «Чемпионлар Лигасини қандай ютиш мумкин: Ливерпуль-2019» номли ҳужжатли фильмда.
Муҳаммад Салоҳ 2017 йил июль ойида Италиянинг «Рома» клубидан «Ливерпуль»га ўтган. Унинг трансфери учун 42 млн евро тўланган. Шу вақтга қадар мисрлик ҳужумчи «Ливерпуль» сафида 393 та ўйин ўтказиб, 243 та гол урди ва 110 та голли узатма амалга оширди.
