«Олтин тўп»нинг саккиз карра соҳиби Лионель Месси ўзининг асосий рақиби Криштиану Роналду билан дунё футболидаги энг яхши ўйинчи унвони учун кўп йиллар давомида рақобатлашиб келди.
Ҳозирда ҳар икки афсона ҳам фаолиятининг якунловчи босқичида турибди. Айни пайтда АҚШнинг «Интер Майами» жамоасида тўп сураётган Лионель Месси замонавий футболнинг энг яхши ўйинчиларини санаб ўтди.
«Менимча, бугунги кундаги энг яхши футболчилар – бу ҳозир майдонда ҳаракат қилаётган юлдузлар. Уларни бутун дунё бўйлаб миллионлаб мухлислар кузатади, болалар эса уларга қараб ўсиб, футболчи бўлишни орзу қилишади.
Айни пайтда энг юқори даражада Килиан Мбаппе, Эрлинг Холанд, Ламин Ямал, Винисиус Жуниор ва Роберт Левандовски каби юлдузлар ўйнамоқда.
Айниқса, Ямалнинг 17 ёшида қилаётган ишлари ва эришган натижалари мени ҳайратга солади. Бундай ёш истеъдодларни олдида ёрқин келажак турибди», — деди Месси.
Таъкидлаш жоизки, Лионель Месси Европада «Барселона» ва «Пари Сен-Жермен» таркибида кўплаб ютуқларга эришган. 2023 йил ёзидан буён у АҚШдаги «Интер Майами» клубида тўп сурмоқда. Аргентиналик юлдузнинг амалдаги шартномаси жорий йилнинг 30 июнида якунланади.
