Transfermarkt портали охирги 1 йил ичида 21 ёшгача бўлган ҳимоячилар орасида нархи энг кўп ошган 10 нафар футболчи номини эълон қилди.
Мазкур рўйхатнинг биринчи поғонасидан “Барселона” ҳимоячиси Пау Кубарси жой олди. Transfermarkt маълумотларига кўра, испан футболчисининг нархи сўнгги мавсумларда нақд 40 миллион еврога қимматлашган. Ҳозирда каталонияликлар аъзосининг умумий нархи 70 миллион еврони ташкил қилади.
“Манчестер Сити”нинг ўзбекистонлик футболчиси Абдуқодир Ҳусанов 2-ўриндан жой олди. Унга кўра, ҳимоячининг қиймати охирги бир йил ичида 32,5 миллион еврога қимматлашган. Хусусан, 2024 йилнинг 3 июнь кунги янгиланишда Абдуқодирнинг қиймати 2,5 миллион еврога баҳоланган. Март ойидан ўзбекистонлик футболчининг трансфер нархи 35 миллион евро этиб белгиланди.
Кучли учликка “Борнмут” аъзоси Дин Ҳёйсен якун ясаган. Нидерландиялик ҳимоячи охирги 1 йилда 32 миллион еврога қимматлашган.
Жорий мавсумда нархи энг кўп ошган ёш ҳимоячилар (топ-10):
1. Пау Кубарси (“Барселона”) — 70 миллион евро (+40 миллион);
2. Абдуқодир Ҳусанов (“Манчестер Сити”) — 35 млн евро (+32,5 млн);
3. Дин Ҳёйсен (“Борнмут”) — 42 млн евро (+32 млн);
4. Vitoр Рейс (“Манчестер Сити”) — 30 млн евро (+30 млн);
5. Майлз Луис-Скелли (“Арсенал”) — 28 млн евро (+26 млн);
6. Петро Комуцсо (“Фиорентина”) — 25 млн евро (+24,3 млн);
7. Алехандро Балде (“Барселона”) — 60 млн евро (+20 млн);
8. Арчи Грэй (“Тоттенҳэм”) — 35 млн евро (+17 млн);
9. Ренату Вейга (“Ювентус”) — 18 млн евро (+15 млн);
10. Милош Керкез (“Борнмут”) — 35 млн евро (+15 млн).
