“ЦСКА” футболчиси Аббосбек Файзуллаев ўз жамоаси билан Россия кубоги суперфиналига йўл олди. Баҳсдан кейин ўзбекистонлик футболчи ўйин ҳақидаги фикрлари билан ўртоқлашди.
Файзуллаев натижадан жуда мамнунлигини айтиб, мухлисларга раҳмат айтди:
— “Зенит”дан қасос олдикми? Биз учун энг муҳими — ғалаба. Биз финалдамиз. Барча мухлисларимизни чин юракдан табриклайман.
— Кўпчилик бу мавсумнинг энг яхши ўйини бўлди, деб айтаяпти. Бу фикрга қўшиласизми?
— Ҳа, қўшиламан, лекин менимча, мавсумнинг энг яхши ўйини финалда бўлади. Бу атмосферани сўз билан ифода қилиш қийин. Ва мухлисларга раҳмат айтаман — бизга охиригача ишонишди ва қўллаб-қувватлашди. Биз ҳам ўйиндан олдин ўзимизга ишонгандик, бунга қодир эканимизни билгандик.
Эслатиб ўтамиз, “ЦСКА” Россия Кубоги финалининг жавоб баҳсида Санкт Петербургнинг “Зенит” клубини мағлуб этиб, суперфинал йўлланмасига эга чиқди. Асосий вақт 2:0 натижаси билан якунланди, лекин умумий ҳисоб 2:2 бўлгани сабаб ўйин пенальтилар сериясида давом эттирилди ва унда “армиячилар” 4:3 ҳисобида устун келди.
Уларнинг рақиби ҳал қилувчи баҳсдаги рақиби бугун, 15 май куни бўладиган “Спартак” ва “Ростов” ўртасидаги баҳсда аниқланади. Суперфинал 1 июнь куни ўтказилиши белгиланган.
