-
-
-
Ўзбекистонлик 3 футболчи Англия клубида кўрикдан ўтиш учун Лондонга жўнаб кетди
Баҳо: 0Бўлим: ЎЗБЕК ФУТБОЛИ » Футболчилар » Воқеалар
Рукн: Янгиликлар
Ўзбекистон футболининг иқтидорли ёшлари халқаро майдонда ўзини кўрсатиш имкониятига эга бўлмоқда. “Пахтакор” клуби ҳужумчиси Саидумархон Саиднуруллаев ҳамда “Сурхон” сафида тўп сурувчи икки ёш футболчи — Беҳруз Каримов ва Беҳруз Шукуруллаев Англиянинг машҳур “Куинз Парк Рейнжерс” (КПР) клубида кўрикдан ўтиш учун Лондонга йўл олишди.
Тошкент-Истанбул орқали Лондонга йўл олган бу учлик футболчи икки ҳафта мобайнида КПР йиғинида иштирок этади.
Бу жамоа 1882 йилда ташкил топган бўлиб, Англия Чемпионшипида (АПЛдан пастки дивизион) иштирок этади. Жамоа ўз учрашувларини “Лофтус Роуд” стадионида ўтказади. Мутахассислар раҳбарлигидаги ушбу йиғин ёш футболчиларнинг келажакдаги профессионал фаолияти учун катта имконият бўлиши мумкин.
Саиднуруллаев 2005 йилда туғилган бўлиб, “Пахтакор” академияси тарбияланувчиси ҳисобланади. У бу мавсум Ўзбекистон кубогида 1 та ўйинда иштирок этиб, 2 та гол урди ва 1 та ассист қайд этди. Унинг майдондаги ҳаракатлари кўплаб мутахассисларнинг эътиборини тортган.
Беҳруз Шукуруллаев эса 2006 йилда туғилган чап қанот футболчиси бўлиб, “Одил Аҳмедов” академиясида тажриба орттирган. У “Сурхон” сафида 4 учрашувда майдонга тушган.
Каримов 2007 йилда туғилган, ўнг қанот ҳимоячиси. У ҳам “Одил Аҳмедов” академиясининг тарбияланувчиси ва жорий мавсумда 6 та ўйинда қатнашган.
Ушбу уч футболчи “Football Group” агентлиги орқали Лондон сафарини амалга оширмоқда. Мазкур агентлик нафақат ёшларни, балки Абдуқодир Ҳусанов каби етакчи футболчиларни ҳам халқаро майдонда ҳимоя қилиб келмоқда.Манба: zamin.uz.Киритилган сана: 17.06.2025 16:47.
Ўқилди: 10896 марта.
Билдирилган фикрлар: 12 та.
Турнир жадвали
| № | Жамоа | Ў | О |
|---|---|---|---|
| 1 | Насаф | 15 | 33 |
| 2 | Нефтчи | 15 | 30 |
| 3 | Динамо | 15 | 29 |
| 4 | Бунёдкор | 15 | 27 |
| 5 | ОКМК | 15 | 27 |
| 6 | Пахтакор | 15 | 26 |
| 7 | Навбаҳор | 15 | 26 |
| 8 | Сурхон | 15 | 18 |
| 9 | Андижон | 15 | 17 |
| 10 | Қизилқум | 15 | 17 |
| 11 | Сўғдиёна | 15 | 16 |
| 12 | Машъал | 15 | 15 |
| 13 | Хоразм | 15 | 14 |
| 14 | Бухоро | 15 | 13 |
| 15 | Қўқон-1912 | 15 | 12 |
| 16 | Шўртан | 15 | 9 |
Ўтган ўйинлар
| 15-тур | Шўртан | 1-2 | Қизилқум |
| 15-тур | Сўғдиёна | 2-1 | Қўқон-1912 |
| 15-тур | Сурхон | 0-0 | Бухоро |
| 15-тур | Андижон | 0-1 | Бунёдкор |
| 15-тур | Машъал | 0-1 | ОКМК |
| 15-тур | Пахтакор | 2-0 | Навбаҳор |
| 15-тур | Динамо | 2-2 | Насаф |
| 15-тур | Нефтчи | 2-0 | Хоразм |
|
|
|