Кириш Регистрация

STD.UZ/REAL

Реал Мадрид

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Хоселу: "Мадриддан бошимни баланд кўтарган ҳолда кетдим"

Жорий йил «Реал» собиқ футболчиси Хоселу учун анча омадли келди.

Жумладан, мадридликлар сафида ЕЧЛ бош совринини қўлга киритган 34 ёшли футболчи орадан кўп ўтмай, Испания терма жамоаси билан «Евро-2024»да чемпионликни тантана қилди. Ҳозирда Қатарнинг «Ал-Гарафа» клубида жавлон ураётган тажрибали ҳужумчи El Hormiguero нашрига берган интервьюсида «Реал»даги фаолияти, клуб билан боғлиқ хотиралари ва Қатардаги ҳаёти ҳақида гапириб берди.

Европа чемпионатидаги ғалаба ҳақида:

- Биз Германиядаги меҳмонхонада 42 кун қатъий режим остида кун кечирдик. Айтайлик, ҳеч ким бизга спиртли ичимлик бермади. Фақатгина ғалаба қозонган чоғимизда, бир озгина эркинлик тортиқ қилинди. Турнирда чемпионликни қўлга киритганимиздан сўнг эса, ҳамма истаган ишини қилди. Оддий айт­ганда, ўша кун тугамади ва ғолиблик шодиёнаси жуда узоқ давом этди.

«Реал» футболчилари билан Дохадаги учрашув ҳақида:

- Собиқ жамоадошларим билан Қатарда кўришиш жуда ёқимли бўлди. Қитъа-лараро кубок Дохада ўтказилишини билгач, хурсанд бўлдим. Чунки, у ерда «Реал» футболчилари билан кўришишим мумкинлигини билардим. Жамоа истиқомат қилаётган меҳмонхонага боргач, ўзимни ҳали ҳам «Мадрид» футболчисидек ҳис қилдим.

Мбаппе ҳақида:

- Килиан Мбаппе «Реал Мадрид» сафида совринларни қўлга киритиш учун келган. Мен учун у дунёдаги энг яхши футболчилардан бири. Килиан жорий мавсумда иккита финалда тўп сурди ва ўша учрашувларда гол уриб, чемпионликни қўлга киритди. Назаримда, Мбаппега совринлар керак ва уларни қўлга киритиб келмоқда. Тан олиш лозим, «Реал»дек жамоага мослашиб кетиш учун бироз вақт керак. Боз устига Килиан бошқа мамлакатдан келгани учун салгина қийналди. Унинг энг катта ютуқларидан бири испан тилини билишлигидадир. Бу катта афзаллик. Ишончим комилки, Мбаппе «Мадрид» афсонасига айланиш учун барча имкониятларга эга.

«Реал»нинг таркиби ҳақида:

- Мадрид клуби ажойиб таркибга эга. Жамоада доим дунёнинг энг яхши футболчилари жам бўлишган ва ўтган мавсумда ўзимни улардан бири деб ҳисоблагандим. Очиғи, ҳали ҳам «Реал»даги ҳиссиётлар билан яшаяпман ва бу унутилмас хотиралар узоқ вақт хаёлимдан кетмаслиги аниқ.

«Реал»га ўтиши ҳақида:

- Ҳаммаси жуда тез содир бўлди. Миллий терма жамоа билан Миллатлар лигасида ўзимни яхши томонлама кўрсата олганимдан сўнг, «Реал»га ўтиш имконияти пайдо бўлди. Аввалига бироз хавотирда эдим, чунки 33 ёшда бундай гранд жамоа билан шартнома имзолаш қийин масала. Аммо якунда барчаси кўнгилдагидек кечди. Ўйлайманки, ўтган мавсум ақл бовар қилмайдиган натижаларга эришиб, «Реал» учун энг муҳим совринларни қўлга киритдик.

Флорентино Перес ҳақида:

- Флорентино Перес мен учун жуда муҳим инсон ва ундан ҳар доим миннатдорман. Президент «Реал»нинг қитъалараро Кубок финалига чиқишида берган ёрдамим учун менга раҳмат айтди. Бундан жуда мамнунман, чунки дунёнинг энг яхши клубига навбатдаги чемпионликни қўлга киритишида оз бўлсада, ҳисса қўшганимни клуб раҳбари алоҳида эътироф этди.

Қатардаги ҳаёти ҳақида:

- Доха яшаш учун энг яхши ҳудудлардан бири. Қатар эса оилангиз билан кўчиб ўтиш учун жуда яхши мамлакат. Рафиқам ва болаларим араб диёрида бизни муносиб кутиб олишганидан мамнун. Одамлар у ерда ҳаёт бошқача, деб ўйлашади, лекин аслида Қатар жуда очиқ мамлакат ва биз бахтлимиз. Боз устига фарзандларимиз таҳсил олиши учун ажойиб шароитларга эга мактаблар бор. 

«Бавария»га қарши ўйиндаги «дубль» ҳақида:

- Футбол нуқтаи назари билан олиб қараганда, бу ҳаётимдаги энг яхши кун. Албатта, асосий воқелик Чемпионлар лигасида ғалаба қозонганимиз эди. Лекин, ўша оқшом исталган футболчи «Бавария»га қарши ўйинда мен билан содир бўлган воқеъликни бошдан кечиришни орзу қилади. Захирада ўтирган чоғингизда жамоангиз мағлуб бўлаётганини кўрсангиз, эҳтимол бу сизнинг вақтингиздир. Футболчи худди шундай пайтда ўзига ишониши керак. Масалан, мен ҳам мураббий майдонга тушишим кераклигини айтган паллада ўйинда бурилиш ясай олишимни сездим. Якунда мадридлик мухлисларнинг олдинга ундовчи қўллаб-қувватлашлари натижасида жамоам ғалабасига муносиб ҳисса қўшдим.

«Реал»ни тарк этиши ҳақида:

- Бу жуда қийин қарор эди. Аммо клуб ривожланишда давом этар ва икки жаҳон даражасидаги ҳужумчилар - Эндрик ва Мбаппе билан шартнома имзоланганди. Шунингдек, аллақачон оилам ҳақида ўйлашим керак бўлган ёшга етиб қолгандим. Ўзим ва рафиқам учун бундай оғир қарорни қабул қилиш қийин кечди. Аммо ишонаманки, менинг футболчилик фаолиятим бевосита «Реал» билан боғлиқ. Мадрид клуби энг қийин дамларда қўллаб-қувватлади. Лекин, ҳамма нарсанинг бошланиши ва якуни бўлгани каби жамоада ўйнаш имконини беришгани, буюк клуб учун танланганлардан бири бўлганимдан фахрланиб, бошимни баланд кўтарган ҳолда кетдим.

Роналдунинг 13 йил олдин совға қилган футболкаси ҳақида:

- Тўғриси, Криштианунинг менга совға қилган футболкасини умуман ювмаганман. Либосни қўлимга қандай тутқизган бўлса, ўшандайлигича сақлаб қўйганман. Яқинда Осиё Чемпионлар лигасида Роналду тўп сураётган «Ал-Наср»га қарши баҳс олиб бордик ва ўйиндан сўнг Кришнинг яна бир футболкасини қўлга киритдим. Либосдаги майса доғлари у билан битта майдонда тўп сурганимни эслатиб туриши учун бу галги совғани ҳам ювмасдан сақлаб қўйдим.

Ёшларга маслаҳати:

- Тахминан 11 ёшлигимда мактабдаги мусиқа ўқитувчиси менга ўзимни футболга бағишламасликни маслаҳат берганди. Сабаби, у миллионлар ўйинида яхши пул топа олмаслигимни, ундан кўра мусиқа билан шуғулланганим яхшироқ, деб ўйларди. Чунки кларнет ва пианинони маҳорат билан чала олардим. Устозимнинг ўша гапларини ҳеч қачон унутмайман. Боиси бу иборалар менга футболда янада кучлироқ бўлишим учун асқотди. Ҳозирда ўсиб келаётган кичик авлодга шуни баралла айта оламанки, ёшингиз нечада бўлишидан қатьий назар, агар сиз астойдил меҳнат қилсангиз ва мақсадингиз сари юришдан тўхтамасангиз ҳаммаси ўзингиз кутганингиздек бўлади. Бунинг ортидан 33 ёшда ҳам орзуларингизни рўёбга чиқаришингиз ва «Реал Мадрид» футболчисига айланишингиз мумкин.

Х.ЮСУПОВ тайёрлади

Киритилди: 03.01.2025 10:21. Ўқилди: 1558 марта. Фикрлар: 0 та.

Ла-лига

ЕЧЛ

- Гуруҳи

№ Жамоа Ў О

Клублар ўртасида ЖЧ

H - Гуруҳи

№ Жамоа Ў О
1 Реал Мадрид 3 7
2 Ал-Ҳилол 3 5
3 Зальцбург 3 4
4 Пачука 3 0

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

УЕФА Суперкубоги

№ Жамоа Ў О
1 Бавария 1 3
2 Севилья 1 0

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

09.07.2025. Клублар ўртасида ЖЧ. Ярим финал.
23:59
ПСЖ		 4-0
Реал Мадрид

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.