A seriya. 7 ta gol urilgan o‘yinda «Yuventus» «Inter» ustidan g‘alaba qozondi (videosharh)

Italiya A seriyasining 3-turidan o‘rin olgan «Yuventus» – «Inter» bahsi yakunlandi. Uchrashuv Turindagi «Alyans Arena» stadionida bo‘lib o‘tdi. Maydon egalari 4:3 hisobida g‘alaba qozonishdi.

Uchrashuv hisobini turinliklar himoyachisi Lloyd Kelli 14-daqiqada ochdi. «Inter» yarimhimoyachisi Xakan Chalhanog‘lu 30-daqiqada hisobni tenglashtirdi. Oradan 8 daqiqa o‘tib, «Yuventus» turk hujumchisi Kenan Yildiz uzoq masofadan yo‘llagan zarbasi bilan jamoasini yana oldinga olib chiqdi.

Ikkinchi bo‘limda Chalhanog‘lu yana bir gol urib, dublni qayd etdi. 76-daqiqada «Inter» hujumchisi Markus Tyuram to‘p kiritib, milanliklarni hisobda oldinga olib chiqdi. Biroq 83-daqiqada «Yuventus» xavbeki Kefren Tyuram-YUlyen hisobni yana tenglashtirdi. Uchrashuv taqdirini esa 90+1-daqiqada Vasiliye Adjichning uzoqdan bergan zarbasi hal qildi — 4:3.

Ushbu g‘alabadan so‘ng «Yuventus» 3 turdan keyin 9 ochko jamg‘arib, turnir jadvalida birinchi o‘rinni egallab turibdi. «Inter» esa 3 ochko bilan 11-pog‘onada joylashgan.

Italiya — A Seriya. 3-tur
13 sentyabr 2025, shanba. 21:00
«Yuventus» (Turin) - «Inter» (Milan) - 4:3
Gollar: 1:0 — Kelli, 14’; 1:1 — Chalhanog‘lu, 30’; 2:1 — Yildiz, 38’; 2:2 — Chalhanog‘lu, 65’; 2:3 — Tyuram, 76’; 3:3 — Tyuram-YUlyen, 83’; 4:3 — Adjich, 90+1’.