«Navbahor» klubi o‘z muxlislarini olib-sotarlardan ehtiyot bo‘lishga chaqirdi

Coca Cola Superliga 2-turi doirasida Namanganning “Navbahor” klubi o‘z maydonida Toshkentning “Lokomotiv”  jamoasini qabul qiladi. Mazkur o‘yin uchun chiqarilgan chiptalar sotuvi avjida!   

Ishqibozlar 4, 5, 6, 7, 8, 9, 14, 15, 16, 17, 18 va 19-sektorlar uchun 15 ming so‘m;
3, 10, 11, 12, 13 hamda 20-sektorlarga 20 ming so‘m;
2 va 21-sektorlar uchun esa 30 ming so‘mdan chipta xarid qilishlari mumkin.

“Navbahor”–“Lokomotiv” klublari o‘rtasidagi uchrashuvdan oldin viloyatimizning taniqli xonandalari tomoshabinlarga o‘zlarining dilrabo kuy-qo‘shiqlari bilan zavq ulashishadi.

Mazkur jamoalar joriy mavsumda o‘z oldiga yuksak maqsadlarni qo‘yganligi bois, ushbu o‘yinning keskin kurashlar ostida o‘tishi ehtimoli yuqori.  Bundan tashqari, “lochinlar” o‘z maydonlarida bu yilgi mavsumdagi ilk uchrashuvni o‘tkazishadi hamda g‘alaba qozonib, muxlislarga quvonch ulashishga harakat qilishadi. Bo‘lajak uchrashuv mazkur omillar sababli ham ancha ahamiyatli.            

Chiptalar 4 mart kunidan boshlab, Namangan shahridagi “Markaziy” o‘yingoh, “Chorsu” hududidagi yakka qabr oldi, “Sardoba” bozori oldidagi “Megapolis” savdo majmuasi oldida sotilmoqda. Chiptalar miqdori cheklangan. Ularni tezroq xarid qilishga shoshiling!   

Chiptalarni faqatgina yuqoridagi manzillardan o‘z narxiga xarid qiling, olib-sotarlardan chipta sotib olmang va ulardan ehtiyot bo‘ling!

“Navbahor” – “Lokomotiv” o‘yini 6 mart, juma kuni soat 18:15 da start oladi.   

“Navbahor” PFK matbuot xizmati.