"Lokomotiv" bosh murabbiyi: "Tasvirlab bo‘lmas individual xatolarga yo‘l qo‘yyapmiz"

Superligada 23-tur o‘yinlari davom ettirildi. "Lokomotiv" jamoasi bu tur o‘z maydonida "Nasaf"ni qabul qildi va 0:1 hisobida imkoniyatni boy berdi. Bellashuvdan so‘ng jamoa bosh murabbiyi Aleksandr Krestinin matbuot anjumanida ishtirok etdi.

"Nasaf"ni g‘alaba bilan tabriklayman. Bir yarim taym bir kishi kam bo‘lib harakat qilish og‘ir. Yigitlar bugun katta kuch bilan jang qilishdi. Afsuski, o‘ylaganlarimizni amalga oshira olmadik.

"Lokomotiv" ketma-ket beshinchi uchrashuvda mag‘lubiyatga uchradi. Bunga sabab nima?

Fikringizga qo‘shilaman. Har bir uchrashuvda so‘z bilan tasvirlab bo‘lmas individual xatolarga yo‘l qo‘yib kelyapmiz. Futbolchilarning xatolari tufayli mag‘lubiyatga uchrayapmiz, afsuski.

Ivan Rogach hech kim kutmagan pallada chetlatildi. U hakamga nima degan edi?

Bir narsani to‘g‘ri qabul qilish kerak. Hakamlar hech kim bilan gaplashmaydi va hakamlarga gapirishga hech kimning haqqi yo‘q. Bu barcha joyda bor, yozib qo‘yilgan qoida. Hakam hammasini to‘g‘ri qildi.

Himoyachi bunday qilish mumkin emasligini bilmas edimi? U bundan xabardor edi. Biz intizomni buzgani uchun jarimalar qo‘llaymiz. To‘g‘risi, bunday jarimalarga ishim tushishini hech qachon o‘ylamagan edim. Futbolchi nima bo‘lganda ham o‘z hissiyotlarini jilovlay olishi kerak. Bunday qila olmasa, uni professional deb atash noto‘g‘ri bo‘ladi. U 20 yoshli futbolchi emas, axir. Xatto, bu yoshdagi futbolchini ham bunday qilishga haqqi yo‘q.

O‘z tuyg‘ularini tiya olmaydigan futbolchini, professional deb atash noto‘g‘ri. U 20 yoshlik futbolchi emas, hattoki 20 yoshli futbolchi ham bunday qilishga haqqi yo‘q.