Кириш Регистрация

STD.UZ/YUVE

Ювентус

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Агуэро, «Барcелона», Месси. Бу «учбурчак» атрофида нима гаплар?

Ёзги трансфер бозори яқинлашгани сайин, бир қанча «олди-сотдилар» ҳақида асоссиз миш-мишлардан тортиб, муҳим прогнозлар футбол ОАВларида тинимсиз айлана бошлаши ҳайрон қоларли эмас. Зарари йўқ, ҳар бирининг, ўз қабул қилувчилари бор, албатта. Мана шундай кутилаётган трансферлардан бири, шубҳасиз, Серхио Агуэронинг «Этихад»ни тарк этиб, «кўк-анноранг» либосни кийишидир.

Муҳим инсайдер Фабрицио Романонинг маълум қилишича, Серхио Агуэро ушбу ёзда «Барселона»га ўтади. Томонлар аллақачон «ишни пишитишган». Ҳужумчи, эркин агент сифатида Каталонияга келади ва озмас-кўпмас, 2 йиллик шартнома имзолайди. Шунингдек, ушбу битимда «Барса» Чемпионлар Лигасида ғолиб чиқса, аргентиналик турли бонуслар билан мукофотланиши банди мавжуд бўлади.

Агуэро «кемачилар»да ҳақиқий «матрос»!

Март ойида «Манчестер Сити» Серхионинг жорий мавсум охирида жамоани тарк этишини эълон қилди. Ҳужумчи «Сити»нинг тирик афсонаси. Афсонаки, ўн йил ичида 258 та гол урган, бешта Прембер-лига ва Англия кубоги, учта Суперкубок, олтита Лига кубогини ютган. Ягона кемтиклик эса Чемпионлар Лигаси соврини бўлмиш, «шалпангқулоқ» кубокдир. Агуэро билан видолашув, сўнгги тур ўйинида «Эвертон»га қарши «Этиҳад» ўйингоҳида бўлиб ўтмоқда. Дарвоқе, клуб раҳбарияти стадион яқинида аргентиналикнинг ҳайкалини ўрнатишни ваъда қилмоқда.

Шогирдлари учун гўёки «меҳрибон ота»га айланган Гвардиола аргентиналикни муносиб кузатмоқда: «Унинг яхши формада бўлганлиги жуда ажойиб. Стадионда бўладиган 10 000 мухлис унга ҳурмат бажо келтириши ва клуб тарихига қўшган ҳиссаси учун миннатдорчилик билдиришига мутлақо ишонаман»,-дейди Пеп.
Бўлмасамчи, мухлислар унга атаб «Бу ҳамиша менинг шаҳринг бўлиб қолади» деган сўзлар билан ажойиб граффит чизишди.

Нега айнан «Барселона»?

Агуэро Англияни тарк этмаслиги ҳақидаги фикрлар ҳам йўқ эмас. Боисики, ҳужумчига Лондоннинг «Челси» жамоаси "оғиз солган". «Аристократлар» жорий йилда, супер сермаҳсуллик намойиш этиб, барқарорликни янги мавсумда ҳам сақлаб қолиши шубҳасиз. Боз устига янги тарнсферларнинг "янги"лиги қолмади. Улар тўлиқ жамоага мослашишди, жоиз бўлса, Тухель томонидан мослаштирилишди. Бир қарашда, Агуэродек футболчи Лондон клубида ортиқчалик қилмайди. Ўзи умуман бундай ҳужумчидан ҳеч бир бош тортмаса керак.

Лекин ёш ва навқирон, Абраҳам, тажрибали Жиру ва немис фалсафасини тўлақонли англаб етадиган Вернер ва марказий ҳужумда ҳам муммосиз ҳаракат қиладиган Хаверци бор жамоада, Агуэро кўпи билан заҳира футболчиси бўлиши мумкин, тағин ким билади дейсиз. Лекин аниқ фараз шуки, футболчининг ўзи янги ва ўзига хос чорловни маъқул кўради. Ушбу чақириқнинг Англиядан йироқда бўлиши эса мантиқан тўғри, шундай эмасми?
Серхиога Италия А Сериясидан ҳам қизиқиш мавжуд.

Туриннинг «Ювентус» жамоаси футболчини Роналду билан яхши тандем ҳосил қилади деган умидда жамоага олиб келмоқчи. Ҳа, Агуэро португалиялик билан тил топишиб кетиши баробарида марказий ҳужум зонаси учун Моратага рақобат туғдириши бор гап. Лекин, ҳали Роналдунинг ўзи жамоада қолиш ё қолмаслик борасида аниқ қарор қилганича йўқ. Бежизга эмасдир, унинг кўч-кўронлари машиналарга ортилиб, номаълум манзил томон йўл олгани. Бунинг устига айни пайтда жамоа янги ҳужумчи эмас, янги мураббий таклиф этишга кўпроқ эътибор қаратгани мақсадга мувофиқ.

Ҳужумчи учун навбатдаги "совчи" Франция, аниқроғи Париждан. Серхиони ПСЖга боғлаши мумкин бўлган кам сонли факторлардан бири парижликлар устози Маурисио Почеттино. Мутахассис ПСЖ истиқболини ўз ҳамюрти хизматлари билан кўра олсагина, ушбу трансфер амалга ошиши мумкин. Қачонки, Серхио Каталония эмас айнан Парижга, узоқ муддатлик сафар қилишни маъқул кўрса. Акс ҳолда, шундоқ ҳам кадрлар масаласида йирик муаммолари бўлмаган жамоада ўртамиёна харидни амалга ошириш учун арзирли сабаб мавжуд эмас. Хўп, энди «Барселона».

«Кўк-анорранглилар»ни ушбу ёзда катта реструктуризация(қайта қуриш) кутмоқда. Mundo Deportivo хабарига кўра, фақат саккизта футболчи келаси мавсум учун асосий таркибдан ўзларига жой кафолатлаши мумкин: Булар орасида табиийки Месси асосий ўринда. Бундан ташқари Тер Штеген, Де Йонг, Педри ва бошқа ёш футболчилар.
Гризманн ва Дембеленинг келажаги борасида конкрет қарор йўқлиги ва икки французнинг жамоадан кетиш эҳтимоли мавжуд эканлигини инобатга олсак, Агуэро билан шартнома имзоланиши олдинга чизиқнинг мантиқий тўлдирилишига асос бўла олади.

Агуэро трансферининг яширин аҳамияти

Агуэронинг трансфери «Барса» ҳужум чизиғини муносиб кучайтириш билан бир қаторда бошқа томондан ҳам муҳим аҳамиятга эга. Нега? Бир қатор манбалар Куннинг «Барселона»га келиши Мессини клубда ушлаб туришига ёрдам бериши ҳақида хабар тарқатган эди.«Бу оқилона, чунки бу Месси учун яхши қулайликлар яратади. Агуэронинг келиши уни қолишга ишонтириши мумкин», - деди аргентиналик «Барса» афсонаси Хавьер Маскерано ҳам.

Ростданда, Месси ва Агуэро ёшликдан қадрдон дўстлар ҳисобланишади. «Santo Sobado» шоуси эфирида Агуэро 17 ёшидан бошлаб, терма жамоанинг ўқув-машғулот йиғинида икковлон меҳмонхонада, битта хонада бўлишганини айтди. «Энди 30 ёшдан ошдик, биз эски турмуш қурган жуфтликка ўхшаймиз. Лео ҳақиқий бақироқ. Бир куни мен телевизор ёқилган ҳолда ухлаб қолганман, эртаси куни эрталаб шу сабабли у мени койиб берган эди»,-дея табассум билан эслайди Агуэро. Бундан ташқари, бир сафар, пандемия пайтида Агуэро Twitchдаги эфир вақтида дўстига қўнғироқ қилади.

- Нега эрталаб соат тўққизда менга қўнғироқ қилдинг? дея Месси ҳайрон қолади.
- Билмайман, хайрли тонг демоқчи эдим, - деб жавоб қилади Серхио.

Майдондаги ва ундан ташқаридаги Мессининг ўзини тутишидан маълумки, Леонинг жамоадошлари билан ўзаро муносабати ва улар ўртасидаги дўстлик муҳим.
Луис Суарес «Атлетико»га ўтганидан кейин Лео деярли «Барса»да ёлғиз қолди. Шундай бўлсада, Ла Лигадаги қарама-қаршиликларга қарамай, Суарес деярли, ҳар куни Месси билан гаплашиб туришини тан олди.

Испания ОАВлари фаол равишда «Барселона» президенти Жоан Лапорта Лео билан келажакни муҳокама қилган ва уни МЛСга кетиш шарти билан яна икки мавсум жамоада қолишни таклиф қилгани ҳақида ёзмоқда. Аргентиналикнинг маоши пасаяди, аммо у фаолияти ниҳоялангандан сўнг, ўзи учун жонажон маскан, "Камп Ноу"га қайтиб, клубдан жой олади.

Агар ҳамма нарса бир-бирига мос келадиган бўлса, яқинда биз нафақат иккита ажойиб ҳужумчини, балки кўп йиллик яқин ва қадрдон дўстларни бир жамоа сафида кўришга муваффақ бўламиз. Уларнинг биргаликда қандай натижалар қайд этишини эса ҳозирча таҳмин, трансфердан сўнг эса таҳлил қилиш имконияти мавжуд бўлади.

Дадажон Фозилжонов тайёрлади

Киритилди: 23.05.2021 20:43. Ўқилди: 7930 марта. Фикрлар: 0 та.

«A» Серия

№ Жамоа Ў О
1 Интер 36 92
2 Милан 35 71
3 Болонья 36 67
4 Ювентус 35 66
5 Аталанта 34 60
6 Рома 35 60
7 Лацио 35 56
8 Наполи 36 51
9 Фиорентина 34 50
10 Торино 35 47
11 Монца 35 45
12 Женоа 35 43
13 Лечче 35 37
14 Верона 35 34
15 Кальяри 35 33
16 Эмполи 35 32
17 Фрозиноне 36 32
18 Удинезе 35 30
19 Сассуоло 35 29
20 Салернитана 35 15

ЕЧЛ

- Гуруҳи

№ Жамоа Ў О

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Италия кубоги

Нимчорак финал
13.01.2021
00:45 Милан
0:0
Торино
19:00 Фиорентина
1:2
Интер
21:45 Наполи
3:2
Эмполи
14.01.2021
00:45 Ювентус
3:2
Женоа
21:30 Сассуоло
0:2
СПАЛ
15.01.2021
01:15 Аталанта
3:1
Кальяри
20.01.2021
01:15 Рома
2:4
Специя
22.01.2021
01:15 Лацио
2:1
Парма
Чорак финал
27.01.2021
00:45 Интер
2:1
Милан
21:45 Аталанта
3:2
Лацио
28.01.2021
00:45 Ювентус
4:0
СПАЛ
29.01.2021
01:00 Наполи
4:2
Специя
Ярим финал
03.02.2021
00:45 Интер
1:2
Ювентус
04.02.2021
00:45 Наполи
0:0
Аталанта
10.02.2021
00:45 Ювентус
0:0
Интер
11.02.2021
00:45 Аталанта
3:1
Наполи
Финал
19.05.2021
23:59 Аталанта
1:2
Ювентус

International Champions Cup

Италия суперкубоги

Финал
21.01.2021
01:00 Ювентус
2:0
Наполи

Сўнгги учрашув

05.05.2024. «A» Серия. 35-тур.
23:45
Рома		 1-1
Ювентус

Навбатдаги учрашув

12.05.2024. «A» Серия. 36-тур.
21:00
Ювентус		 -:-
Салернитана

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.