“Бунёдкор” – “Локомотив” ўйинидан кейин матбуот анжуманининг иккинчи қисмида мезбонлар катта мураббийи Мурод Отажонов иштирок этди.
— Бугунги натижа бизни асло қониқтирмади. Бунга объектив сабаблар бор. Айтинглар-чи, ҳакам бир ўйинда 3та пенальти қўйиши мумкин эмасми? “Локомотив” дарвозасига иккинчи пенальтини нега белгиламади. Нохолис ҳакамлик ҳақида гапириш керак, менимча. Жаҳоннинг энг яхши ҳаками мана шундай қўпол хатога йўл қўйиб турса, бошқа ҳакамлардан нима кутиш мумкин?
— Бу сўзларингиз учун сизни жазолашлари мумкин. Шуни биласизми?
— Бу — ҳаёт. Пешонада борини кўрамиз. Аммо бу мавзу ҳақида гапирмасак, ушбу ботқоқдан чиқиб кетмаймиз. Сиз гапирмасангизлар, мен гапирмасам, бундан ким ютади, кимга фойда? Албатта, миллий чемпионатимизда мана шундай ҳолатлар юз берганидан кейин терма жамоаларимиз халқаро ўйинларда яхши ўйнай олишмайдида! Чемпионатда бўлар-бўлмасга ҳуштак чалинаверганидан кейин футболчилар ҳам шунга ўрганиб қолишади. Халқаро ўйинларда тўқнашувлар кўп бўлади. У ерда футболчининг фамилияси, қайси клубдан эканлиги қизиқтирмайди.
— Очко йўқотганингизга фақат ҳакам эмас, вазиятлардан фойдалана олмаслик ҳам сабаб эмасми?
— Ҳа, Игорь Таран ўта қулай вазиятдан гол ура олмади. Бу унинг маҳоратига боғлиқ. У имкониятлардан фойдалана олмаётгани учун ҳам захира ўриндиғида ўтирибди. Масалан, ўзбек журналистлари нега Уткин каби мақола ёза олмайди? Футбол ҳам шунга ўхшаган нарса. Ҳужумчининг маҳорати ўз йўлига, аммо ҳакам пенальти белгилаши керак эди.
— Таран иккинчи ҳужумчи сифатида тушгани билан у асосан орқароқда ўйнади. Бунинг сабаби нимада?
— Рақиб ҳужум қилаётганида у ҳам жамоанинг ҳимояланишига ёрдам беришни истади. Бу ҳам футболчиларнинг руҳий ҳолати билан боғлиқ. Яъни жамоа ҳисобда олдинда бораётганида натижани ушлаб қолиш ҳақида ўйлади. “Локомотив” биздан 2 очко ортда келаётганди, агар ғалаба қозонсак, орадаги фарқ 5 очкога етарди.
— Ушбу мавсумда “Локомотив” чемпион бўлади, деган миш-мишлар тарқалган. Бунга муносабатингиз?
— Буни мавсум сўнгида билиб оламиз. Бизда кўра сиз журналистлар кўп нарсани биласизлар.
— Фозил Мусаев Қатар клубига кетади деган гап бор. Шунинг учун уни ўйинга туширмаяпсизларми?
— Буни энди эшитиб турибман. Бизга ушбу футболчи борасида ҳеч қандай расмий таклиф бўлмаган. Балки бу иш билан унин агенти шуғулланаётгандир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сўғдиёна
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
