Маълумки, спорт, шоу-бизнес ва кино оламининг машҳур юлдузлари орасида ўз уйларини жаҳонгашталикни хуш кўрадиган оддий кишиларга ижарага бериш одат тусига кирган. Албатта, сайёҳлар учун яратилган бу қулайлик анчагина қиммат тушиши мумкин. Лекин уларга шунчаки меҳмонхоналарда эмас, балки бутун бошли уй ёки алоҳида хонадонда мириқиб дам олиш имкониятини беради. Қўшимчасига уларда ҳордиқ чиқаришдан ташқари шу пайтгача фақат телеэкранлар ва фотосуратлар орқали таниш бўлган афсонавий шахс билан бафуржа суҳбатлашиш имконига эга бўладилар. Яқинда ўзини жамоатчиликка тўла-тўкис таништириш истагида бўлган машҳурлар рўйхати «Барселона» клубининг ярим ҳимоячиси Андрес Иньеста ҳисобига яна бир кишига кўпайди.
Испания терма жамоаси таркибида жаҳон ва Европа чемпиони унвонига сазовор бўлган футболчи ўзи туғилиб ўсган Фуэнтеальбилья шаҳридаги хусусий виночилик корхонасини ижарага беришга қарор қилди. «Мазкур корхона оиламиз орзуларини рўёбга чиқарган маскандир. Биз бу ерда тўхташни мағқул кўрган сайёҳлар хушманзара жойлардан баҳраманд бўлишларини истаймиз», - дейди Иньеста Airbub сайтидаги ўз саҳифасида. Мазкур сайт турар-жой биноларига онлайн тарзида буюуртмалар қабул қилиш хизмати билан шуғулланади. «Барселона» ярим ҳимоячисининг ташаббуси билан танишиш сайёҳларга бошпана беришга тайёр бўлган бошқа мижозларни қидириб кўриш истагини туғдирди. Натижада яна бир қатор машҳур юлдузларга дуч келдик.
Роналдиньо
Бразилиядаги ЖЧ-2014 турнирининг стартга чиқиш арафасида XXI асрнинг энг кучли футболчиларидан бири ўзининг Рио-де-Жанейродаги вилласини мухлислар ихтиёрига беришга қарор қилди. Кошона «Маракана» стадионидан ярим соатлик масофада жойлашиб, у ерда барча қулайликлар муҳайё этилганди. Умумий майдони 1000 м.кв.дан кўпроқ бўлган ҳудудда бир нечта ётоқхоналар ва меҳмонхоналардан ташқарии, етарли кўнгилочар муассасалар, ҳатто уй кинотеатри ҳам бунёд этилган. Тўғри, шоҳона дабдабаю-асъасалар шунга яраша харажатни ҳам талаб этади - бир кеча-кундуз истиқомат қилишнинг тахминий баҳоси 830000 рубль атрофида. Роналдиньо ўз вилласини фақат мундиал даврида ижарага бермоқчи эди. Бироқ у кейинчалик ҳам ҳамкорликни давом эттиришга рози бўлди.
Боде Миллер
37 ёшли америкалик чанғичи Ванкувер Олимпиадасида биттадан олтин ва кумуш, Солт-Лейк-Ситида 2та кумуш медаллга сазовор бўлган машҳур спортчидир. У аввалига ўз яхтасини ижарага берганди. Кейинчалик Нью-Хэмпшир штатининг Кэролл шаҳридаги вилласини ҳам сайёҳчилар ихтиёрига беришга қарор қилди. У ерда истиқомат қилиш нисбатан анча арзон - бир кеча-кундузга - 40000 рубль. Бино содда жиҳозланган, ортиқча ҳашаматлар йўқ, лекин жуда шинам ва фойдаланиш учун қулай.
Игорь Тер-Ованесян
Қизиғи шундаки, ҳозирда 76 ёшга чиққан собиқ енгил атлетикачи ҳам ўз уй-жойини ижарага қўймоқда. Фаолияти давомида Тер-Ованесян узунликка сакраш бўйича бир неча марта жаҳон рекордларини ўрнатган, кўпгина совринлар эгаси. Ижара бизнесини собиқ спортчининг ўзи эмас, қизи - Яна Клейн юритади. Ованесяннинг уйи Владимир вилоятининг Журавлиха қишлоғида жойлашган. У ерда ҳордиқ чиқарган сайёҳлар яратилган шароит ва соҳиблар муносатларидан жуда мамнунлар. Жумладан, Игорь Тер-Ованесяннинг спорт фаолияти ҳақидаги ҳикоялари меҳмонларга мақбул бўлмоқда.
Дарвоқе
Берлиннинг «Герта» клуби шарафини ҳимоя қилаётган Йоханнес ван дер Берг ҳам юқорида зикр этилган сервис хизмати рўйхатидан жой олган. Бироқ бошқалардан фарқли ўлароқ, у ўз хонадонини ижарага қўймаган. Аксинча, футболчи мазкур сайт ёрдамида ўзига Берлиндан бошпана топади. Шунингдек, мавсум якунига етганидан сўнг ўзи дам олишни мўлжаллаётган ҳудуддан турар-жой топишга ҳаракат қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
