Кириш Регистрация

STD.UZ/BARSA

Барселона

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Хайрулла Ҳамидов мақоласи: "Май оқшоми"

1 май деганда ёшлигим эсимга тушади. Меҳнаткашлар байрами эди. Парад бўларди. Табиийки, биринчи майга алоқадор футболчиларни ҳам, ўйинни ҳам ёшлигимга, ҳеч қурса яқин ўтмишга даҳлдор кунлардан изласам тўғри бўларди.

Шу куни немис футболининг ёрқин вакили Оливер Бирхофф туғилган экан. 1968 йили Карлсруэ шаҳрида. 27 ёшигача ўртамиёна ҳужумчи мақомида бўлган. Удинезедаги портлашидан сўнг терма жамоага жалб этилади ва 28га кирар арафасида ўзининг илк турнири – Евро-96га боради. Финалгача икки учрашувда захирадан тушиб ҳеч нарса қила олмаган. Аммо Чехия билан кечган охирги баҳсда иккинчи бўлим ўртасида туширилади, аввал ҳисобни тенглаштиради, сўнг 105-дақиқада Олтин голни киритиб, Германияга олтин медаль олиб келади. Дарҳол уни Олтин бола деб номлайдилар.

Бирхоффнинг ҳаётини ўқий туриб, мен инсон умид билан доим курашавериши керак деган хулосага келаман. Кеч порлаши унинг футбол тарихига киришига тўсқинлик қила олмади. Клублардаги муваффақиятсизликлари, узоқ йиллар ўз ўрнини топа олмаганини бугун ҳеч ким суриштиришмайди. Ўша финални ва ҳамма ҳаяжонда турган қўшимча бўлимларда гол йўллаб, ўйинни якунлаётган йигитни тасаввур қилиб олаверадилар. Зўр, а?!

Яна бир Оливер, фамилияси Нойвилль бўлган ҳужумчи сал кейинроқ немис футболининг янги асрдаги елкадоши бўлди. Икки жаҳон чемпионатида унинг ўйинларини томоша қилганмиз. Тўғри, Бирхофф каби ёрқин дамлар унга насиб қилмаган, бироқ клублари миқёсида яхши таниймиз. Леверкузеннинг Байер клуби айнан унинг ҳужумлари билан хавфли эди. Зидан ҳалиги алламбало голини урган финал оқшомида Нойвилл Касильеснинг тушларига кирадиган зарбалари билан эсда қолганди.

Сал яқинроққа келамиз. 2013 йилнинг биринчи майига. Бу кеча қай ўйин билан ёдда қолган? "Барселона" "Камп Ноу"да "Бавария"ни қабул қилганди. ЕЧЛ ярим финали, биринчи баҳс Мюнхенда қақшатқич мағлубият билан тугаган, жавоб баҳсида каталониялик мухлислар Месси жамоадошлардан недир мўжиза кутишарди.

"Барселона" анча кейинроқ 0:4ни ўз фойдасига ўзгартира олар, аммо бу кеча "Камп Ноу" деворлари навбатдаги мағлубият қонига бўялди. Роббен ва Мюллернинг голлари, Пикенинг автоголи яна "Барса"ни йирик ҳисобдаги мағлубиятини тасдиқлади – 0:3.

Бу ўйин дарҳол 1997 йилги "Барсалона" – "Динамо" Киев тўқнашувини эсга солганди. Ўшанда ҳам каталонияликлар Лобановский йигитларига гуруҳ баҳсларида икки учрашувда умумий 0:7 ҳисобида енгилган эдилар. Фақат озгина фарқи – 0:4ли мағлубият Киевда эмас, Каталонияда содир бўлганди. Буниси сал енгилроқ бўлди, дея оламиз. "Бавария" финалда ҳам "Боруссия"ни енгиб, ҳақли кубогини боши узра кўтарди. Шу "Бавария" йигитларидан ташкил топган Германия терма жамоаси мундиални ҳам зир титратиб қайтишди.

Хуллас, немис футболи билан бошланган биринчи май яқин ўтмишда ҳам ажойиб ғалабаларни нишонлаган эди.

Киритилди: 01.05.2020 09:05. Ўқилди: 5180 марта. Фикрлар: 0 та.

Ла-лига

ЕЧЛ

- Гуруҳи

№ Жамоа Ў О

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Клублар ўртасида ЖЧ

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

26.05.2025. Ла-лига. 38-тур.
00:00
Атлетик Бильбао		 0-3
Барселона

Навбатдаги учрашув

Учрашув қайд этилмаган!

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.