Кириш Регистрация

STD.UZ/BARSA

Барселона

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

“Биллур“ футболчилар қисмати

Бир футболчи иқтидорли бўлиши мумкин, аммо кучли бўлиш учун унга яна бир қанча жиҳатлар керак. Энг кераклиларидан бири жисмоний ҳолат ҳисобланади. Неймар иқтидор масаласида Месси ва Роналду билан тенглаша олади, аммо айнан ўша юқорида таъкидланган сифатнинг етишмаслиги унинг икки суперюлдуз қаторида бўлишига тўсиқ бўлади. Шунингдек, бундан 3-4 йил аввал Дембеле ва Мбаппе ҳам бир хил даражадаги футболчилар эди, аммо бирининг жароҳатларга ўта мойиллиги унга ҳар доим ҳалақит бериб келади. Бири кўплаб ўйинларда майдонга тушиб, катта ўйинларда ўзини кўрсатиб маҳоратини ошириб келса, яна бири лазаретда ёки ўз уйида қандайдир майда-чуйда машғулотлар билан банд бўлади. Ҳозир сўнгги мавсумларда ўз жароҳати сабаб фаолиятини “ўлдириб“ қўяётган айрим иқтидорларга тўхталиб ўтамиз.

Марко Ройс

Қачонлардир Германия терма жамоасининг етакчиси бўлиши кутилган футболчи. Дортмунддаги мухлислар ҳануз уни ўзгача ардоқлашади. Ройс билан “Сигнал Идуна Парк“да бирга ўйнаган Левандовский, Гюндоган, Гётце, Мхитарян каби футболчилар гранд клубларга ўтиб кетишди, аммо Марко «арилар» билан қолди. У клубга бўлган садоқатини ортиғи билан намойиш этди. Бу борада унга тан бермасдан илож йўқ. Афсуски, футболда ҳаммаси вафодорлик билан ўлчанмайди. Шундай бўлганда, Ройс ҳозир энг зўрларидан бири бўларди.

Унда ғалати бир анъана бор. Энди ажойиб ўйин кўрсатаётганда, юқори формада бўлиб турганда жароҳат орттириб олади. Камида 2 ҳафта тикланиш учун вақт сарфлайди. Сўнг яна 1 ой ўтиб, юқори формасига қайтади ва қарабсизки, яна беморга айланади. Бу ҳолатни кўп кузатганмиз. Айниқса, топ клубларга қарши ўйинда у жуда зўр ўйнаб юборади. Ортиқча зўриқиш сабаб бўлса керак, шу супер ўйинидан сўнг сафдан чиқади. Қизиғи, қайтиш вақти яна топ клублар билан ўйинга тўғри келади.
Хуллас, Ройс ҳурматга, мақтовга, олқишларга ҳар томонлама муносиб. Бироқ жисмоний барқарорлик борасида унга ҳавас қилиб бўлмайди.

Гарет Бэйл

Уэлслик футболчи “Реал“ сафидаги кўп вақтини шифохоналарда ўтказди. Ҳатто Бэйл ҳақида “ҳар битта шифокор билан яхшилаб танишиб чиқди“, – деган ҳазиломуз гаплар пайдо бўла бошлади. Унинг нақадар иқтидорли футболчи эканлигига бир неча ўйинларда гувоҳи бўлганмиз, аммо жароҳатлар, узоқ тўхталишлар футболчининг даражасига таъсир қилмасдан қолмади. Дастлаб асосий таркибдан захирага олинадиган бўлди. Сўнг фақат захирадан майдонга тушиб юрди. Ҳозир эса у ҳатто, қайдномаларга ҳам киритилмаяпти. Сабаб сифатида яна ўша жароҳатларидан тўлиқ қутулмагани кўрсатилмоқда. Эътиборли жиҳати, “Гольф-мастер“ бу мавсум якунланмай туриб, тикланиш жараёни туфайли 13та баҳсни ўтказиб юборди. Ўтган мавсум билан таққослайдиган бўлсак, Гарет лазаретда эканлиги боис охирги тўлиқ мавсумнинг 18та ўйинида қатнаша олмаган. Кўринишидан, вазият салбий томонга қараб кетаверадигандек.

Эден Азар



“Челси“даги ўйинлари билан мухлислар эътиборини қозонган яна бир “биллур“ футболчи. Ўз вақтида Месси ва Роналдудан кейинги энг яхши футболчи бўлишга даъвогарлик қилган Эден охирги пайтларда, шунчаки майдон ташқарисидан баҳсларни томоша қилиб ўтирибди. Баъзан учрашув охирларида майдонга туширилади, баъзан умуман унутиб қўйилади. Бироқ ҳали Азар Бейл сингари обрўсини йўқотгани йўқ. Ундан ҳали ҳам кўп муваффақиятлар кутаётганларни етарлича топиш мумкин. Зотан, ўйини ўхшаб қолган пайтларда унга қарши ўйнаш осон кечмайди. Буни АПЛ ҳимоячилари жуда яхши билишарди. Ҳозирча бельгиялик футболчи Ла Лигада иқтидорининг ярмини ҳам кўрсатмади деб ҳисоблаш мумкин.

Усмон Дембеле

Сўнгги кунларда жароҳат деса футбол ишқибозларининг ҳаёлига биринчи бўлиб келадиган шахс. Унинг “Боруссия Дортмунд“даги фантастик ўйинларидан кейин “миллионлар ўйини“да янги юлдуз порлаётгани айтилганди. Каталон клубида ҳам у кимсан 222 миллионлик Неймарга ўринбосар сифатида кўрилганди. Оз эмас, кўп эмас, нақ 105 миллион евро эвазига харид қилинган “юлдуз“ йилдан-йилга сўниб бормоқда. Рақамларга мурожаат қиладиган бўлсак, Усмон “Барселона“ сафига қўшилганидан буён умумий ҳисобда 85та учрашувни жароҳат сабаб ўтказиб юборган. Бу ўртача ҳисобда ҳар мавсум камида 20 баҳс дегани. Очиғи, Дембеленинг техникаси, тезлиги, пассларига эътироз билдиришга умуман ҳожат йўқ. Бу борада унда камчилик йўқ, ҳозирча. Лекин ўйин амалиётининг борган сари камайиб бориши футболчининг майдонни ҳис қилиш, керакли вақтда керакли жойда пайдо бўлиш ва албатта, жисмоний ҳолатга етарлича баҳо бериш каби қобилиятларга салбий таъсир кўрсатади. Айни дамда “блаугранас" мухлислари ҳам ёш французда ҳам шу ҳолат юз бермайди, деган умиддалар.


Футболда нозик ҳаракатланадиган, техникаси кучли, тезлиги юқори бўлган футболчилар тез-тез жароҳат олиб туришади. Сабаби ҳимоячилар бу тоифадаги рақибга қарши ўйнашга қийналишади ва қўполлик ишлатишга мажбур бўлишади. Шу боисдан, баъзи футболчиларга "биллур” сўзи қўшиб ишлатилади. Кўринишидан чиройли, ўзига мафтун қилади. Бироқ сал қаттиқ тегиб кетсангиз, тез дарз кетиши мумкин.

Киритилди: 05.11.2021 20:16. Ўқилди: 4872 марта. Фикрлар: 8 та.

Ла-лига

ЕЧЛ

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Клублар ўртасида ЖЧ

Нимчорак финал
12.12.2023
23:00 Ал-Иттиҳод
3:0
Окленд Сити
Чорак финал
15.12.2023
19:30 Леон
0:1
Урава Редс
23:00 Ал-Аҳли
1:3
Ал-Иттиҳод
Ярим финал
18.12.2023
23:00 Флуминенсе
2:0
Ал-Аҳли
19.12.2023
23:00 Манчестер Сити
3:0
Урава Редс
3-урин учун
22.12.2023
19:30 Ал-Аҳли
-:-
Урава Редс
Финал
22.12.2023
23:00 Флуминенсе
-:-
Манчестер Сити

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

19.09.2024. ЕЧЛ. .
23:59
Монако		 2-1
Барселона

Навбатдаги учрашув

22.09.2024. Ла-лига. 6-тур.
21:30
Вильярреал		 -:-
Барселона

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.