Кириш Регистрация

STD.UZ/BARSA

Барселона

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

“Барса” “Ливерпуль”нинг доимий харидори ёхуд мерсисайдликлар тарихидаги энг қиммат сотувлар (топ-10)

“Stadion.uz” эътиборингизга “Ливерпуль” тарихидаги ТОП 10 та энг қиммат сотувлар рўйхатини тақдим этади.

 

10. Хавьер Маскерано ⇒ “Барселона”,   20 миллион евро

“Ливерпуль” Каталониянинг “Барселона” учун асосий футболчи етказиб берувчи жамоалардан бири ҳисобланади. 2010 йилнинг ёзида мерсисайдликлар аргентиналик яримҳимоячи Хавьер Маскеранони 20 миллион евро эвазига Пиреней ороли жамоасига сотиб юборишди. “Ливерпуль” ўз вақтида Маскеранони “Вест Хэм Юнайтед”дан 22,5 миллион еврога сотиб олганини ҳисобга олсак, бу трансферни клуб учун фойдали деб бўлмайди.

 

9. Доминик Соланке ⇒ “Борнмут”, 21,2 миллион евро

2019 йил бошида мерсидияликлар ҳужумчи Доминик Соланкени 21,2 миллион еврога “Борнмут”га сотиб юборди. Соланке “Ливерпуль”га 2017 йилда эркин агент сифатида келиб қўшилганди, бироқ ҳужум чизиғидаги юқори рақобат туфайли англиялик кам ўйин амалиётига эга бўлди. Умуман олганда, Соланке “қизиллар” сафида 27 та ўйин ўтказиб, битта гол урган.

 

8. Дэнни Ингс ⇒ “Саутгемптон”, 22,2 миллион евро

Дэнни Ингснинг мерсисайдликлар клуби тарихида ўз изини қолдира олмади. Ҳужумчи 2015 йилда “Бёрнли”дан 8,3 миллион евро эвазига “Энфилд” эгалари сафига ўтган, бироқ жамоада ўз ўрнини топа олмади. Уч йил ичида Ингс бор-йўғи 25 та ўйин ўтказиб, 4 та гол урди. Натижада футболчи “Ливерпуль” раҳбариятидан ўзига янги клуб топишни сўради. 2018 йилнинг ёзида Ингс “Саутгемптон”га ижара асосида кўчиб ўтди, кейинги ёзда “авлиёлар” унинг шартномасини 22,2 миллион еврога сотиб олди.

7. Мамаду Сако ⇒ “Кристал Пэлас”, 28,2 миллион евро

Еттинчи ўринда Мамаду Саконинг “Кристал Пэлас”га 28,2 миллион евро эвазига ўтгани жой олди. Сако “Ливерпуль” билан 3 йил давомида 80 та ўйин ўтказиб, 3 та гол урган. Доимий жароҳатлар марказий ҳимоячининг “қизиллар” таркибида мустаҳкам ўрнашиб олишига тўсқинлик қилди. Эслатиб ўтамиз, Сако Туманли Альбионга 2013 йилда ПСЖдан 19 миллион евро эвазига ўтган эди.

 

6. Кристиан Бентеке ⇒ “Кристал Пэлас”, 31,2 миллион евро

“Ливерпуль” тарихидаги энг омадсиз трансферлардан бири бу Кристиан Бентекенинг харидидир. Мерсисайдликлар бельгиялик футболчини 2015 йилнинг ёзида 46,50 миллион еврога сотиб олишган бўлса, кейинги йили 32,20 миллион еврога сотиб юборишган. Оддий ҳисоб-китоблар усулидан фойдаланиб, ҳужумчидан хариди ортидан йўқотишлар 14,30 миллион еврони ташкил этганини аниқлаш мумкин. “Ливерпуль” таркибида Бентеке 42 та ўйин ўтказиб, 10 та гол урган.

 

5. Хаби Алонсо ⇒ “Реал Мадрид”, 34,5 миллион евро

Рейтингнинг ўртасида Хаби Алонсо жойлашган. 2004 йилда мерсидияликлар “Реал Сосьедад” таянч яримҳимоячисининг иқтидорини пайқаб қолишган ва баскларга 16 миллион евро таклиф қилишган. Орадан 5 йил ўтиб “қизиллар” Алонсони “Реал”га бир баравар қимматга сотишди. “Ливерпуль” мухлислари учун Хаби Алонсо клубнинг яқин тарихидаги энг содиқ ва энг яхши легионерларидан бири сифатида абадий эсда қолади.

 

4. Фернандо Торрес ⇒ “Челси”, 58,5 миллион евро

2011 йилнинг 31 январида, қишки трансфер ойнасининг сўнгги кунида “Ливерпуль” ҳужумчи Фернандо Торресни “Челси”га сотиб юборди. Трансфер суммаси 58,5 миллион еврони ташкил қилди. Торрес дунёнинг энг яхши ҳужумчиларидан бири сифатида “Челси”га ўтди ва бир неча йилдан сўнг бу сотув Премьер-лига тарихидаги энг омадсиз трансферлардан бири сифатида қайд этилди. Фернандо Торреснинг ўзи Ливерпулда ўтказган вақтларини соғиниш билан эслайди. Унинг статистикаси: 142 ўйин, 81 гол, 20 голли узатма.

 

3. Рахим Стерлинг ⇒ “МанчестерСити”, 63,7 миллион евро

Рахим Стерлинг “Ливерпуль” тарихидаги энг қиммат сотувлар учлигини очди. 20 ёшли яримҳимоячининг 2015 йилда “Манчестер Сити”га ўтиши “Ливерпуль” мухлисларини ҳайратда қолдирди. Улар шундан сўнг Стерлингни жуда ёмон кўриб қолишди ва уни “сотқин” деб аташди. “Қизиллар” бу трансферда 63 миллион евро ишлаб олди. Эслатиб ўтамиз, Рахим КПР тарбияланувчиси ҳисобланади ва “Ливерпуль” билан атиги 700 минг евро эвазига шартнома имзолаганди.

 

2. Луис Суарес ⇒ “Барселона”,   81,7 миллион евро

Етти йил олдин мерсисайдликлар тарихидаги энг қиммат трансфер Луис Суареснинг “Барселона”га ўтиши бўлди. 2014 йилнинг 11 июлида Каталония клуби уругвайлик ҳужумчи учун 80 миллион евродан кўпроқ пул тўлаганди. Луис Суарес “Ливерпуль” сафида уч йил давомида ўйнади ва шу вақт ичида 133 та ўйин ўтказиб, 82 та гол урди ва 47 та голга ассистентлик қилди. Клуб тарихидаги энг яхши тўпурарлар рейтингида Луис 14-ўринни эгаллаб турибди.

 

1. Фелипе Коутиньо ⇒ “Барселона”,   130 миллион евро

Фелипе Коутиньонинг “Барселона”га сотуви “Ливерпуль” тарихидаги энг қиммат трансфер ҳисобланади. Мерсисайдликлар Коутиньони 13 миллион еврога сотиб, 130 миллион еврога сотиб, 117 миллион евро даромад кўришди. 2013-2018 йиллар оралиғида Фелипе Коутиньо “Ливерпуль” либосида 201 та ўйин ўтказиб, 54 та гол урган ва 45 та голли узатмани амалга оширган. Аммо, бу ўтиш на “Барса”, на Коутиньо учун омадли трансфер деб бўлмайди.

Киритилди: 14.12.2021 16:27. Ўқилди: 7430 марта. Фикрлар: 6 та.

Ла-лига

ЕЧЛ

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Клублар ўртасида ЖЧ

Нимчорак финал
12.12.2023
23:00 Ал-Иттиҳод
3:0
Окленд Сити
Чорак финал
15.12.2023
19:30 Леон
0:1
Урава Редс
23:00 Ал-Аҳли
1:3
Ал-Иттиҳод
Ярим финал
18.12.2023
23:00 Флуминенсе
2:0
Ал-Аҳли
19.12.2023
23:00 Манчестер Сити
3:0
Урава Редс
3-урин учун
22.12.2023
19:30 Ал-Аҳли
-:-
Урава Редс
Финал
22.12.2023
23:00 Флуминенсе
-:-
Манчестер Сити

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

19.09.2024. ЕЧЛ. .
23:59
Монако		 2-1
Барселона

Навбатдаги учрашув

22.09.2024. Ла-лига. 6-тур.
21:30
Вильярреал		 -:-
Барселона

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.