Кириш Регистрация

STD.UZ/BARSA

Барселона

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

Омадсиз Обамеянгнинг яна боши берк кўчага кириб қолди

Фаолияти давомида Пьер-Эмерик Обамеянг кўплаб клубларда ўйнашга муваффақ бўлди. Унинг Европадаги саёҳати Франция ёшлар жамоаларидан бошланди ва футболчи Дортмунднинг «Боруссия»си таркибида ўзини баланд овозда эълон қилди. У 5 йилни немис клубида ўтказди. Обамеянг «арилар» сафида 215 та ўйинда майдонга тушиб, 141 та гол урган ва 36 та голли узатмани амалга оширган. Бу марказий ҳужумчи учун жуда яхши кўрсаткичдир.

Балки Обамеянг «Боруссия»да кўпроқ вақт ўтказган бўларди, аммо габонликнинг немис клубида қолиш тақдири турли жанжаллар билан бузилди. Футболчи интизомий сабабларга кўра бир неча бор жамоа билан машғулотлардан четлаштирилган. Натижада, ҳужумчи очиқчасига «асаларилар»ни тарк этиш истагини билдирди. «Боруссия»нинг ўша пайтдаги спорт директори Михаэль Цорк бунга жавобан футболчини омма олдида танқид қилган. Клуб унинг номақбул хатти-ҳаракатларига тоқат қилмаслигини айтди. Обамеянгнинг «Боруссия»даги тарихи жанжаллар ва якунда «Арсенал»га ўтиш билан якунланди. Томонлар бир-биридан шунчалик тўйиб кетишгандики, мавсум ўрталаридаёқ алоқаларни узишди. 2018 йилнинг январида дортмундликлар футболчини «канонирлар»га 63 миллион евро эвазига сотишди. Ҳужумчи яхши формада бўлгани учун немислар уни сотиб яхши пул ишлаб олишди. Бу Премьер-лига тарихидаги энг қиммат бешинчи қишки трансфер бўлди. «Канонирлар» ҳужумчининг «Боруссия»ни тарк этишидан афсус қилмади. Обамеянг тезда «Арсенал»га мослашди. Габонлик АПЛда ярим мавсум ичида 13 та ўйинда 10 та гол урди. Кейинги 2 мавсумда ҳужумчи 22 тадан гол уриб, икки марта «канонирлар»нинг энг яхши тўпурарига айланди. 2020/21 йилги мавсумда ҳужумчининг ўйини сезиларли даражада пасайиб кетди. Бутун мавсум давомида у Премьер-лигада атиги 10 та гол уриб, жамоанинг энг яхши тўпурари унвонини Александр Ляказеттга бой берди. Ўйиндаги муаммолардан сўнг футболчининг клубдаги мавқейи ёмонлаша бошлади. 2020 йилнинг сентябрида Обамеянг «канонирлар» билан шартномасини узайтирди. «Арсенал» бош мураббийи Микель Артета габонликни жамоада қолишга ва жамоа етакчиси бўлишга ишонтирди. Бироқ 2021 йилнинг декабрида мутахассис ҳужумчидан сардорлик боғичини тортиб олди. Обамеянг клуб жойлашган базада ўз вақтида пайдо бўлавермаган. Аслида у унчалик кечикмаган, лекин Артета барибир унга нисбатан интизомий чоралар кўришга қарор қилди ва уни «Саутгемптон»га қарши ўйин учун таркибга киритмади. Бу футболчига ёқмади. Ўшандан бери у ва мураббий ўртасидаги муносабатлар доимий равишда ёмонлашиб борди.

Можаро раҳбарият учун аҳамиятсиз бўлиб чиқди, аммо Артета жамоадаги ҳамма тенг эканлигини кўрсатиш учун ўз принсипига ўтди. Обамеянг натижада бутун жамоадан кечирим сўради ва ўз айбини тан олди. Ҳаммаси шу ерда тугади. 2022 йилнинг январида ҳужумчи «Арсенал»ни текинга тарк этди. Боз устига, «канонирлар» унга шартномани муддатидан олдин бекор қилгани учун ҳам 7 миллион фунт тўлашди. Ҳужумчи яна жанжалга сабаб бўлди ва мавсум ўртасида клубни тарк этди. 2022 йилнинг январида ҳужумчи расман Каталония клубига ўтди ва дарҳол ишга киришди. «Валенсия»га қарши баҳсда ҳужумчи илк бор майдонга асосий таркибда кириб, хет-трик қайд этди. Футболчи ўзининг илк ва ягона «эл-класико»сида 2 та гол урди. Ҳаммаси бўлиб, Обамеянг 2021/22 мавсумда Ла Лигада 17 та ўйинда майдонга тушиб, 11 та гол урди ҳамда «кўк-анорранглилар»нинг иккинчи энг яхши тўпурари бўлди.

Габонлик футболчининг «Барселона»даги фаолияти ажойиб, аммо қисқа муддатли эди. Ўтган ёзда каталонияликлар «Бавария»дан Роберт Левандовскини сотиб олганди. Обамеянг клубда кимга кўп пул тикишларини тушунди, аммо у захира ўйинчиси бўлишни хоҳламади. Бу ерда «Челси» унинг йўлида пайдо бўлди. «Кўклар»нинг ўша пайтдаги бош мураббийи Томас Тухель Дортмунднинг «Боруссия»сида у билан бирга ишлаган футболчи билан яна бирлашишга қарор қилди. Ҳужумчи Лондонга қайтишга қарор қилди. Обамеянг учун бу ерда яхши келажак бор эди, чунки у немис мутахассиси қўл остида, эҳтимол, фаолиятининг энг яхши даврини ўтказди.
Обамеянг жуда омадсиз эди - Тухель «Челси»га ўтганидан бир ҳафта ўтиб ишдан бўшатилди. «Кўклар»нинг ҳозирги мураббийи Грэм Поттер габонликка бир неча дақиқа вақт берди холос, аммо узоқ муддатда унга ишонмайди. Лондонликлар янги лойиҳани қуришни бошладилар, бунда катта улуш ёш футболчиларга қаратилган. 33 ёшли ҳужумчи нафақат «аристократлар» тушунчасига тўғри келмайди, балки унинг ҳозирги аҳволи ҳам ёмон. Премьер-лиганинг жорий мавсумида форвард 11 та ўйин ўтказиб, атиги 1 та гол урган. Аввалроқ Обамеянг «Барселона»га қайтишни истаётгани хабар қилинганди, аммо каталонияликлар хоҳласа ҳам буни амалга ошириши мумкин эмас. Ла Лига қоидаларига кўра, клублар бир футболчини мавсум давомида икки марта рўйхатдан ўтказиши мумкин эмас. Шундай қилиб, форвард боши берк кўчага тушиб қолди. Энди у Англиянинг «Арсенал» ёки Испаниянинг «Барселона»си билан чемпионлик учун курашиши мумкин эди. Аммо каталонияликлар сафида, албатта, у ўйин вақтини сезиларли даражада қисқартиришга мажбур бўлади.

Киритилди: 30.01.2023 21:18. Ўқилди: 4790 марта. Фикрлар: 5 та.

Ла-лига

ЕЧЛ

H - Гуруҳи

№ Жамоа Ў О
1 Барселона 10 19
2 Порту 8 15
3 Шахтёр 6 9
4 Антверпен 6 3

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Клублар ўртасида ЖЧ

Нимчорак финал
12.12.2023
23:00 Ал-Иттиҳод
3:0
Окленд Сити
Чорак финал
15.12.2023
19:30 Леон
0:1
Урава Редс
23:00 Ал-Аҳли
1:3
Ал-Иттиҳод
Ярим финал
18.12.2023
23:00 Флуминенсе
2:0
Ал-Аҳли
19.12.2023
23:00 Манчестер Сити
3:0
Урава Редс
3-урин учун
22.12.2023
19:30 Ал-Аҳли
-:-
Урава Редс
Финал
22.12.2023
23:00 Флуминенсе
-:-
Манчестер Сити

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

22.04.2024. Ла-лига. 32-тур.
00:00
Реал Мадрид		 3-2
Барселона

Навбатдаги учрашув

30.04.2024. Ла-лига. 33-тур.
00:00
Барселона		 -:-
Валенсия

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.