Кириш Регистрация

STD.UZ/BARSA

Барселона

  • Тўлиқ номи:
  • Бош мураббий:
  • Лақаби:
  • Жамоа сардори:
  • Ташкил топган:
  • Бош ҳомий:
  • Стадион:
  • Расмий веб-сайт:
  • Сиғими:
  • Клуб формаси:
  • Клуб президенти:

Клуб хабарлари

"Барселона" ла лигада бу қадар омадли ўйин кўрсатаётганининг сабаблари

 Испания чемпионати якунланишига 12 тур қолди. Шу билан бирга, Ла Лига чемпионлиги учун курашда интриганинг ҳиди ҳам йўқ – "Барселона" ишончли тарзда пешқадамлик қилмоқда, иккинчи ўриндаги "Реал"дан 12 очкога ўзиб кетди. Stdion.uz нашри каталонияликлар қандай қилиб катта фарқ ярата олгани ҳақида тўхталади. 

Самарали ҳимоя

 Футболчилар танловини ҳисобга олсак, мавсум бошланишидан олдин "Барселона" ҳимояда ишончли ўйин намойиш эта олишини кўпчилик тасаввур қилган бўларди. Бироқ, дарвоза яқинидаги самарадорлик Хавининг ҳозирги жамоасининг ўзига хос хусусиятига айланди. Ўйлаб кўринг, жорий чемпионатдаги 26 учрашувдан 19 тасида “кўк-анорранглилар” ўз дарвозаси даҳлсизлигини сақлаб қолишди. Қолган еттита ўйинда каталонияликлар 9 та гол ўтказиб юборишган, шундан 4 таси "Реал"дан. Агар уй ўйинлари ҳақида гапирадиган бўлсак, "Барса" бор-йўғи икки марта гол ўтказиб юборди - "Эспаньол"дан пенальтидан ва "Реал"дан автоголдан кейин.

Умуман олганда, "Барселона" ҳимоясида ҳаммаси жойида. Тан олиш керакки, кўплаб футболчилар, ҳатто дарвозабон Марк-Андре тер Штеген ҳам сиз кутганингиздан ҳам кучлироқ мавсумни ўтказишмоқда. “Кўк-анорранглилиар” текинга қўлга киритган Андреас Кристенсен ҳам худди Алехандро Бальде каби чемпионатнинг ҳақиқий кашфиёти бўлди.

Левандовски ва компания

Лионель Месси кетганидан кейин "Барселона" 2021/2022 йилги мавсумда ҳужумда ҳақиқий тўпурарга эга бўла олмади. Ўтган ёзда у пайдо бўлди - каталонияликлар Роберт Левандовски билан шартнома имзоладилар. Эрлинг Холанднинг ажойиб ўйини тасаввурларни бузиши ва "Барса" натижаларига польякнинг ҳиссасини камайтириши мумкин. Аммо бу ҳисса ҳали ҳам катта. Левандовски Ла Лиганинг 22 учрашувида 15 та гол урди ва 5 та голли узатмани амалга оширди. Айни пайтда тўпурарлар пойгасида айнан Роберт етакчилик қилмоқда.

Аммо ҳужумда "Барселона"нинг ўйинини нафақат Левандовски белгилаб беради. Бугунги каталонияликлар алоҳида ижрочиларга таянмайди, балки бир-бирини алмаштирадиган механизмдир. Левандовски баъзи сабабларга кўра ўйнамаганида ҳам "блаугранас" олдинги чизиқда фойдали бўлиши мумкин бўлган футболчиларга эга эди. Ушбу чемпионатда бир вақтнинг ўзида 19 нафар "Барселона" футболчиси гол ва/ёки ассистентлик кўринишидаги қатъий ҳаракатларга эга бўлиши бежиз эмас.

Сабр ва омад

Ҳозирги "Барселона" рақибларини йирик ҳисобларда енгмайди. Бу чемпионатда Хави жамоасининг кўплаб ғалабалари меҳнат бўлди. Агар “кўк-анорранглилиар”нинг барча 22 та ғалабасини кўриб чиқсангиз, уларнинг 9 тасида 1:0 ҳисоби қайд этилган. Яна учта ўйинда каталонияликлар минимал ҳисобда ғалаба қозонишди. Ўша 12 учрашувнинг кўпида "Барса" чидаши ва характер кўрсатиши керак эди. Бу ғалабалар баъзан хунук бўлди, аммо юмшоқ ўйинда натижага эришиш қобилияти баъзан чемпионларни бошқа жамоалардан ажратиб туради.

Хави

"Барселона"нинг ҳозирда кучли характерга эга сифатли жамоа эканлиги, Хавининг катта хизматлари. У клуб ДНКси ҳақида кўп гапирди, лекин тики така ёки шунга ўхшаш нарсаларни ўйнаш учун ўз йўлидан чиқмайди. Хави анча мослашувчан ва ақлли мураббий, у таҳлилга катта эътибор беради ва ҳозирги воқеликда унинг жамоаси ҳар дақиқада майдонда устунлик қилиш шарт эмаслигини тушунади. Натижада "Барса" янада мувозанатли бўлиб қолди, бу эса уларга оз гол ўтказишга ёрдам беради. Вазифаси ҳужум бўлган футболчилар ҳам Хави механизмидаги қора ишларни ўз ихтиёри билан бажарадилар.

"Реал Мадрид"даги беқарорлик

Ва ниҳоят, "Реал Мадрид"нинг беқарорлиги "Барселона" ўртасидаги жиддий тафовутга ёрдам беради. Октябрь ойи охирида Карло Анчелотти жамоаси барқарорликни йўқотиб, Испания чемпионатида тез-тез очко йўқотишни бошлади. "Қаймоқранглилар"дан кўпроқ нарса кутилганди, айниқса, ажойиб старт давридан сўнг, улар 11 турда атиги икки очко йўқотдилар. Натижада, "Реал" лига чемпионлиги учун имкониятлар билан деярли хайрлашди. Бироқ Анчелотти жамоаси мавсумни яна бир Чемпионлар лигаси соврини билан янада ёрқинроқ қилишни кутмоқда.

Киритилди: 30.03.2023 23:04. Ўқилди: 5220 марта. Фикрлар: 1 та.

Ла-лига

ЕЧЛ

Европа лигаси

ЕЧЛ - Гуруҳи

№ Жамоа Ў О
1 Аякс 0 0
2 Байер 0 0
3 Барселона 0 0
4 Зальцбург 0 0
5 Севилья 0 0
6 Спортинг 0 0
7 Шахтёр 0 0
8 Ювентус 0 0

Клублар ўртасида ЖЧ

- Гуруҳи

№ Жамоа Ў О

Испания кубоги

Чорак финал
26.01.2023
01:00 Барселона
1:0
Реал Сосьедад
02:00 Осасуна
2:1
Севилья
23:59 Валенсия
1:3
Атлетик Бильбао
27.01.2023
01:00 Реал Мадрид
3:1
Атлетико
Ярим финал
02.03.2023
01:00 Осасуна
1:0
Атлетик Бильбао
03.03.2023
01:00 Реал Мадрид
0:1
Барселона
04.04.2023
23:59 Атлетик Бильбао
-:-
Осасуна
05.04.2023
23:59 Барселона
0:4
Реал Мадрид

International Champions Cup

Испания суперкубоги

Ярим финал
10.01.2024
23:59 Реал Мадрид
5:3
Атлетико
23:59 Барселона
2:0
Осасуна
Финал
14.01.2024
23:59 Реал Мадрид
4:1
Барселона

Сўнгги учрашув

18.03.2026. ЕЧЛ. Нимчорак финал.
22:45
Барселона		 7-2
Ньюкасл

Навбатдаги учрашув

22.03.2026. Ла-лига. 29-тур.
18:00
Барселона		 -:-
Райо Вальекано

ЖАМОА ТАРКИБИ

© STADION.UZ
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Ўзбекистон матбуот ва ахборот агентлигининг интернет-ОАВ гувоҳномаси №0917.

Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.