05:30 Автоспорт. WEC. Этап 7. "6 часов Барселоны" в Испании. Лучшие моменты. 07:30 Скалолазание. Мужчины и женщины. Лазание на скорость. Финал. Мировая серия. Сантьяго. 08:30 Скалолазание. Мужчины и женщины. Лазание на трудность. Финал. Мировая серия. Сантьяго. 09:30 Снукер. Northern Ireland Open. Финал. 11:00 Горнолыжный спорт. Зёльден. Женщины. Гигантский слалом. Кубок мира. 2-й заезд. 11:45 Горнолыжный спорт. Зёльден. Мужчины. Гигантский слалом. Кубок мира. 2-й заезд. 12:30 Снукер. Northern Ireland Open. Финал. 14:30 Горнолыжный спорт. Зёльден. Женщины. Гигантский слалом. Кубок мира. 2-й заезд. 15:30 Горнолыжный спорт. Зёльден. Мужчины. Гигантский слалом. Кубок мира. 2-й заезд. 16:30 Снукер. Northern Ireland Open. Финал. 18:30 Горнолыжный спорт. Зёльден. Женщины. Гигантский слалом. Кубок мира. 2-й заезд. 19:15 Горнолыжный спорт. Зёльден. Мужчины. Гигантский слалом. Кубок мира. 2-й заезд. 20:00 Скалолазание. Мужчины и женщины. Лазание на скорость. Финал. Мировая серия. Сантьяго. 21:00 Скалолазание. Мужчины и женщины. Лазание на трудность. Финал. Мировая серия. Сантьяго. 22:00 Горнолыжный спорт. Зёльден. Женщины. Гигантский слалом. Кубок мира. 2-й заезд. 23:00 Горнолыжный спорт. Зёльден. Мужчины. Гигантский слалом. Кубок мира. 2-й заезд. 00:00 Конный спорт. Конкур. Каир. Global Champions Tour. 01:30 Снукер. Northern Ireland Open. Финал. 02:00 Трейлраннинг. 03:00 Трейлраннинг. 04:00 Снукер. Wuhan Open. Финал.
Салмоқлаб кўрсам, бизнинг Наманганда одамлар олмаси-ю хушҳаво оромгоҳи баробарида “Навбаҳор” футбол жамоаси билан фахрланиб юришаркан. Ростдан фахрланишга арзийдими? Ёки фақат олий лигада ўйнайдиган жамоамиз борлиги учун кўкрак кериб юрамизми? Билмадим-ов... Бир қарасанг, шони ўтмиш — Олег Шацких, Фарҳод Магометов, Илҳом Шарипов, Сервер Жепаров, Анвар Солиев ва яна кўплаб шулар сингари маҳоратли фуболчилар туп сурган шукуҳли дамлар хаёлга келади. Кейин сергак тортиб, охирги етти-саккиз йилда арзирли бирон соврин ютмаганимизни, сал ном чиқарган ўйинчини сотиб, пуллаб йил, ой ўтказганимизни мушоҳада қиламиз... Маблағ йўқ, деб ўқрайган тунд қиёфалар хаёлдан ўтади. Бир вақтлар Наманганда ҳам юлдузли жамоа бор эди. Очиғини айтганда, 1995-йилга қадар Нефтчи, кейин 1997-йилга қадар “Навбаҳор” юлдузли таркиб борасида Ўзбекистонда биринчи рақамли жамоа бўлган. Сўнгра юлдузни бенарвон урадиганлар кўпайиб кетди, тўс-тўполон билан довруқ солиб тузилган, лекин кейинчалик кўпикдек тарқаб кетган жамоаларни кўрдик. Омон бўлсак яна кўраверамиз. Лекин, яхлит шаклланган жамоа қўққисдан ғойиб бўлганига ҳеч чидолмайди наманганлик мухлислар. Кейин бунақа “буюк кўчиш” ҳавфи жамоамиздан ҳануз аримади-аримади... Энг нозик нуқта шуки, бу вазиятнинг айбдорлари номаълум. Кетган ҳам ўзича ҳақ, кетказган ҳам... Сув бир лойқаланиб тинганда эса, маълум бўладики, бизни алдашипти, мухлислар чув тушипти. Умуман олганда, юқоридаги манзара “Навбаҳор” учун тайёр сценарий бўлиб қолди. Бу ҳар йили жузъий ўзгартиш билан тадбиқ этиб келинаётган ва синашта услубдир... Ҳамма нарсада ҳикмат бор, дейдилар. Қаранг, бугун Наманган футболи ҳақида гапирилганда, аввало мухлислар тилга олинади, тўғрими? Демак, бизда ҳам юлдузли таркиб бор, ҳеч бир ўзбек жамоасида кўзга ташланмайдиган мухлис бор! Ҳадеганда жамоадан юлдуз чиқавермагач, кейин, озгина илиги тўқ футболчи жуфтакни ростлашга тушавергач.., мухлислар биринчи планга чиқиб қолди! Энди Наманган футболини анови мутасаддилар эмас, келган-кетган спортчилар эмас, борингки, “Навбаҳор” эмас, аввало мухлислар елкасида тутиб турипти. Ўртамиёна деган сўзни иснод деб қабул қиладиган, жамоа ортидан мамлакат кезиб, мағлубиятдан безиб, дийдалари қотиб кетган мухлислар кўтариб турипти. Сиз билан биз тушунган ва ҳис қиладиган “Навбаҳор” фақат кўнгилда, ишқибоз қалбида бор экан, қарангки, реаллик шундоқ хулоса қилишга изн беради. Аслида у кимлар учундир даромад манбаига, ҳисоб-китоб омборига, ижарачига, юлдузлар фабрикаси(Ўзбекистон даражасида, албатта)га айланиб қопти. Ҳўв ёшлигимизда бир автобус одам билан шаҳар марказига тушиб, футбол кўриб, сўнгра қишлоққа қайтадиган, анча вақт ўйин таассуротлари билан яшайдиган асл деҳқон мухлис камайиб кетган, шундай таассуротлар берадиган жамоа-ку, умуман йўқ... Аммо “Навбаҳор” бор. Фақат у қолди. Кимлар келди, кимлар кетди, лекин она шаҳрим жамоаси туртиниб-суртиниб, қисиниб-қимтиниб жон сақлаб қолди. Ва бугун қайта кучга тўлиб бормоқда. Мен мутасаддиларни, жамоага келган ўйинчиларни, янгитдан қурилаётган стадионни айтмаяпман, умумий манзарага боқиб хулоса қилаяпман. “Навбаҳор” тағин кучаймоқда! Чунки, мухлислар жонланди, шундай кайфият яралди. Бу кайфият изсиз кетмайди. Чемпион бўлишдан олдин, чемпион бўлишга қодир руҳ, кайфият туғилиши керак, нима дедингиз? Бугун бизда ана шу ярқ этиб кўзга ташланмоқда. Жуда узоқни кўзлаб ваъда бериш, яқинни кўролмасликдир. Шундай экан, блокка оид ваъдалар беришдан тийиламиз. Фақат гапни шу ерда мухтасар қиламиз-да, жонли, тишли-тирноқли мақолалар, хат-хабарлар билан кўнглингизга кириб боришга чоғланган блогимизга марҳабо деймиз! Биз ўз муаммоларимизни айтишдан ҳеч вақт уялмаймиз, борини борича ёзамиз... Мақсадимиз — барча мухлислар кўнглида кайфият, мардона кайфият уйғотиш... Бинобарин, куч — бирликда, деган иддао ҳақиқатга айланмоғи учун, дастлаб бирлик бўлиши керак. Ундан ҳам муҳимроғи, бирлашишга қобиллар, қодирлар кўпайиши керак...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Беҳзод ҚОБУЛОВ
