Кейн — жаҳоннинг энг қиммат футболчиси. Месси — тўртинчи, Роналду эса...

Футбол соҳасида илмий тадқиқотлар олиб борадиган CIES Football Observatory қўмитаси ҳозирги кундаги энг қиммат футболчилар рейтингини эълон қилди.

Қўмита олимларининг ҳисоб-китобларига кўра, «Тоттенхэм» ҳужумчиси Ҳарри Кейн жаҳоннинг энг қиммат футболчиси дея эътироф этилди. Унинг трансфер нархи 201,2 миллион еврога баҳоланган. Иккинчи ўринда «ПСЖ» ҳужумчиси Неймар қайд этилди – 195,7 миллион евро. Учинчи поғонани парижликларнинг яна бир футболчиси Килиан Мбаппе банд этди. Франция терма жамоаси ўйинчисининг нархи 186,5 миллион еврога тенг бўлди.

Рейтингда тўртинчи ва бешинчи ўринларни Лионель Месси ва Муҳаммад Салоҳ эгаллаган бўлса, «Реал» ҳужумчиси Криштиану Роналду 24-ўринга жойлаштирилди — 103,4 миллион евро.

CIES Football Observatory версияси бўйича жаҳоннинг энг қиммат футболчилари рейтинги қуйидагича (топ-10):

1. Ҳарри Кейн («Тоттенхэм») – 201,2 миллион евро

2. Неймар («ПСЖ») – 195,7 миллион евро

3. Килиан Мбаппе («ПСЖ») – 186,5 миллион евро

4. Лионель Месси («Барселона») – 184,2 миллион евро

5. Муҳаммад Салоҳ («Ливерпуль») – 171,3 миллион евро

6. Деле Алли («Тоттенхэм» – 171 миллион евро

7. Кевин Де Брюйне («Манчестер Сити») – 167,2 миллион евро

8. Антуан Гризманн («Атлетико») – 164,5 миллион евро

9. Пауло Дибала («Ювентус») – 164,2 миллион евро

10. Ромелу Лукаку («Манчестер Юнайтед») – 163,4 миллион евро