АПЛ. «Ливерпуль» сафарда ғалаба қозонди (видеошарҳ)

«Ливерпуль» Англия чемпионатининг 2-турида ҳам ғалабага эришди. Клопп шогирдлари бу сафар анча тер тўкишларига тўғри келди.

«Кристал Пэлас» яхши ҳимояланиш билан биргаликда рақиб дарвозаси олдида етарлича хавфли вазиятларни юзага келтирди. Фақатгина биринчи бўлимнинг сўнгги дақиқасига келиб меҳмонлар ҳисобни очишга муваффақ бўлишди.

«Ливерпуль» иккинчи бўлимда ҳисобни мустаҳкамлашга ҳаракат қилишди, боиси бир тўп фарқидаги ҳисоб анча қалтис эди. «Кристал Пэлас» бир неча марта мувозанатни тиклашга яқин келди, ҳаттоки, улар бир киши кам бўлиб қолганларидан кейин ҳам. Аммо "қизиллар" посбони Алиссон ўз маҳоратини кўрсатиб, иккинчи ўйинда ҳам дарвоза дахлсизлигини сақлаб қолди.

Ўйинга қўшиб берилган дақиқаларда Садьо Мане иккинчи голга муаллифлик қилди ва баҳс тақдирини ҳал қилди.

Ушбу ғалабадан кейин «Ливерпуль» 6 очко жамғарган олтита жамоадан бири бўлиб турибди.

2-й тур
Кристал Пэлас – Ливерпуль 0:2 (0:1, 0:1)
Голлар: 0:1 – 45, пенальти Милнер, 0:2 – 90 Мане.
Кристал Пэлас – Хеннесси, Уан-Биссака, Томкинс, Сако, ван Анхолт, Таунсенд (Уорд, 79), Миливоевич, Макартур, Шлупп (Майер, 83), Бентеке (Серлот, 70), Заа.
Ливерпуль – Алиссон, Александер-Арнолд, Гомес, ван Дейк, Робертсон, Милнер (Хендерсон, 67), Вейналдум, Кейта (Лаллана, 87), Салах, Фирмино (Старриж, 90), Мане.
Огоҳлантиришлар: ван Анхолт (42), Александер-Арнолд (52).
Четлатиш: Уан-Биссака (75).