Олтин бутса»-2019: Месси Мбаппедан узоқлашди

Ушбу мавсумда "Олтин бутса" соврини учун кураш "Барселона" сардори Лионель Месси ва "ПСЖ" ҳужумчиси Килиан Мбаппе ўртасида кечмоқда.

Аргентиналик футболчи кеча бўлиб ўтган "Бетис"га қарши Ла лига баҳсида 3та гол уришга муваффақ бўлди. Шу тариқа, Лео Испания чемпионатидаги ўз голлари сонини 29тага етказиб олди.

Ўз навбатида Килиан Мбаппе ҳам кеча ўтказилган Франция чемпионати ўйинида гол урди. У "Марсель" дарвозасини бир марта ишғол қилди, аммо баҳсга қўшиб берилган дақиқаларда пенальтидан гол ура олмади. Унинг Лига-1нинг ушбу мавсумдаги голлари сони 26тага етди.

"Сампдория" футболчиси Куальярелла 21та гол билан "Олтин бутса" учун курашда 3-ўринни эгаллаб турган бўлса, Криштиану Роналду ("Ювентус") ва Кшиштоф Пёнтек ("Милан") 19та гол билан кучли бешликка киришган.

"Олтин бутса"-2019 ғолиблиги учун даъвогарлар:

1. Лионель Месси ("Барселона"): 29 гол (x2.0) / 58 очко
2. Килиан Мбаппе ("ПСЖ"): 26 гол (x2.0) / 52 очко
3. Фабио Квальярелла ("Сампдория"): 21 гол (x2.0) / 42 очко
4-5. Криштиану Роналду ("Ювентус"): 19 гол (x2.0) / 38 очко
4-5. Кшиштоф Пёнтек ("Милан"): 19 гол (x2.0) / 38 очко
6-8. Серхио Агуэро ("Манчестер Сити"): 18 гол (x2.0) / 36 очко
6-8. Луис Суарес ("Барселона"): 18 гол (x2.0) / 36 очко
6-8. Роберт Левандовски ("Бавария"): 18 гол (x2.0) / 36 очко
9-15. Пьер-Эмерик Обамеянг ("Арсенал"): 17 гол (x2.0) / 34 очко
9-15. Муҳаммад Салоҳ ("Ливерпуль"): 17 гол  (x2.0) / 34 очко
9-15. Харри Кейн ("Тоттенхэм"): 17 гол (x2.0) / 34 очко
9-15. Дуван Сапата ("Аталанта"): 17 гол (x2.0) / 34 очко
9-15. Эдинсон Кавани ("ПСЖ"): 17 гол  (x2.0) / 34 очко
9-15. Николас Пепе ("Лилль"): 17 гол (x2.0) / 34 очко
9-15. Садио Мане ("Ливерпуль"): 17 гол  (x2.0) / 34 очко