Улар аслида қайси терма жамоа сафида тўп суриши керак эди?

Европанинг гранд терма жамоалари шарафини ҳимоя қилаётган футболчиларнинг аксарияти ўз Ватани шарафини ҳимоя қилишдан бош тортишгани ҳеч кимга сир эмас. Бугун  ўзга давлат шарафини ҳимоя қилаётган футболчилар ҳақида сўз боради.
1-қисм

Лукаку

Келиб чиқиши Конголик бўлган футболчи белгиялик скаутлар эътиборини тортади ва футболнинф сир-асрорларини ўрганиш учун Белгияга ташриф буюради. Футболчи ўспирин ёшга етиши билан Белгия терма жамоасидан таклиф тушади. Бундай имконият ҳар кимга ҳам берилавермаслигини билган Лукаку ўйлаб ўтирмасдан Белгия либосини кияди. Футболчи ҳозирги кунларимзга қадар 2 та давлат фуқароси саналади

Усман Дембеле

Ота-онаси Малидан Францияга кўчиб келган Усмоннинг «Барселона» сафида тўп тепишига кўпчилик ишонмаган бўлса керак. Футболчи ўзининг ажойиб тезлиги ва техникаси сабабли футбол оламида жуда эрта шухрат қозонди. Ўз навбатида унга ҳам бир йўла икки давлат термасидан таклиф тушди. У эса ўйлаб ўтирмай, Францияни танлади. Футболчи бу борадаги саволларни кўпинча жавобсиз қолдиради ва Франция термасини нима учун танлаганини изоҳлашдан бош тортади. Шунга қарамасдан, Мали давлатида унинг тутган ўрни жуда баланд. Унинг ўйинларини маҳаллий телеканаллар доимий тарзда намойиш қилишга урунишади

Дели Алли

Бу футболчининг ота-онаси асли нигериялик бўлгани сабабли, бу юрт вакиллари унга терма жамоада ўйнаш учун таклиф юборишган экан. Дели эса бу таклифни тезда рад этади ва Англия сафида дебют учрашувини ўтказади. «Тоттенҳем» сафидаги ажойиб ўйинлари эвазига терма жамоанинг асосий ўйинчиси даражасига кўтарилган футболчи кундан-кунга ўсиб бормоқда. У билан «Реал Мадрид», «Барселона» сингари супер жамоаларнинг қизиқиб қолгани сўзимизга исбот бўла олади.

Раҳим Стерлинг

Бу футболчи асли Ямайка давлати фуқаролари оиласида таввалуд тоган Раҳим АПЛнинг ҳозирда энг ёрқин юлдузларидан бири. Шахсан Гвардиоланинг ёқмтойи саналадиган футболчи ўз термасидан чақирув олмаган экан. Сабаби, Стерлинг 16 ёшидаёқ ўз танловини амалга оширган эди. «Голден Бой» соврини эгаси саналадиган футболчи ҳозирда янги марраларни забт этиш билан машғул

Пол Погба

Яна бир гвинеялик бўлган Франция терма жамоаси аъзоси. Ҳозирда «Манчестер Юнайтед»да ўйини очилиб бораётган футболчи терма жамоа танлашда адашмади, деб қўрқмасдан айта оламиз. У Франция термаси сафида 2018-йилги Россия яшил майдонларида бўлиб ўтган мундиалда муҳим голлари билан чемпионликка муносиб ҳисса қўшди. Ундаги етакчилик ҳусусиятларини ҳисобга олсак, яқин келажакда Франция терма жамоасининг сардорига айланиши ҳам ҳеч гап эмас.