КЎЖЧ. «Ливерпуль» қўшимча вақтда гол уриб, финалга чиқди (видеошарҳ)

Қатарда бўлиб ўтаётган клублар ўртасидаги жаҳон чемпионатида бугун иккинчи ярим финал учрашуви бўлиб ўтди. Европа чемпионлар лигаси ғолиби — "Ливерпуль", КОНКАКАФ вакили — Мексиканинг "Монтеррей" жамоасига қарши майдонга чиқди.

Ўйин бошида Салоҳнинг чиройли узатмасидан кейин Наби Кейта даврозабон билан яккама-якка вазиятга чиқиб, дарвозани ишғол қилди. Орадан атиги 3 дақиқа ўтиб мексикаликларнинг ҳужумини Рохелио Фунес-Мори самарали якунлиб, ҳисобни тенглаштирди.

Мерсисайдликлар иккинчи бўлимга қўшиб берилган дақиқаларда ғалабани ўз томонларига оғдиришди. Ўнг қанотдан етказилган узатмани Роберто Фирмино рақиб дарвозасига тўғрилаб қўйди.

"Ливерпуль" 21 декабрь куни мусобақа финалида Бразилиянинг "Фламенго" клубига қарши майдонга чиқади. "Ал-Ҳилол" ва "Монтеррей" жамоалари бронза медали учун кураш олиб боришади.

Клублар ўртасидаги ЖЧ, ярим финал
МОНТЕРРЕЙ Мексика – ЛИВЕРПУЛЬ Англия - 1:2 (1:1, 0:1)
Голлар: 0:1 – 11 Кейта, 1:1 – 14 Фунес Мори, 1:2 – 90+1 Фирмино.
Монтеррей – Бароверо, Медина, Санчес, Монтес (Лайюн, 79), Ванджони, Ортис, Писарро (Гонсалес, 90), Гальярдо, Фунес Мори, Пабон (Меса, 82), Родригес.
Ливерпуль – Алиссон, Хендерсон, Робертсон, Гомес, Лаллана, Милнер (Александер-Арнолд, 75), Окслейд-Чемберлен, Кейта, Шакири (Мане, 68), Салоҳ, Ориги (Фирмино, 85).
Огоҳлантиришлар: Ванжони (47), Гомес (58), Гальярдо (78).