КЎЖЧ, финал. «Ливерпуль» қўшимча бўлимларда гол уриб, чемпионликни қўлга киритди

Қатарда бўлиб ўтаётган клублар ўртасидаги жаҳон чемпионати финалида Бразилияликнинг "Фламенго" ва Англиянинг "Ливерпуль" клублари тўқнаш келишди.

Учрашувнинг асосий вақтида ҳисоб очилмади. Бир томондан тўпнинг дарвозага кирмагани жамоаларнинг бироз сустроқ ўйнагани сабаб бўлган бўлса, бошқа томондан маҳоратли футболчилар жуда қулай имкониятлардан фойдалана олишмади.

Иккинчи бўлимга қўшиб берилган дақиқаларда қатарлик "Фламенго" дарвозаси томон пенальти белгилаб, сўнгра видеотакрорни кўргач, ўз қарорини бекор қилди.

Қўшимча бўлимларнинг дастлабкисида Клопп шогирдлари ҳисобни очишди.  Хендерсоннинг ажойиб узатмасидан кейин Мане жарима майдони ташқарисида тўпни тўхтатди ва ёрдамга келган Фирминога пас берди. Бразилиялик футболчи бир ҳимоячини чалғитиб деярли бўш қолган дарвозага тўпни жойлади.

118-дақиқада эса бразилияликлар ҳисобни тенглаштиришлари мумкин эди. Аммо Линкольн жуда яқин масофадан дарвозага аниқ зарба бера олмади.

Шу тариқа, деярли тенгкурашлар остида кечган учрашувда "Ливерпуль" қийинчилик билан ғалаба қозониб, клублар ўртасидаги жаҳон чемпионлигини қўлга киритди.

Клублар ўртасида жаҳон чемпионати, финал
Ливерпуль Англия – Фламенго Бразилия 1:0 (0:0, 0:0, 1:0, 0:0).
Асосий вақт — 0:0. Қўшимча бўлимлар — 1:0.
Гол: 1:0 – 99 Фирмино.
Ливерпуль – Алиссон, Александер-Арнолд, Гомес, Робертсон, ван Дейк, Кейта (Милнер, 100), Окслейд-Чемберлен (Лаллана, 75), Хендерсон, Мане, Салоҳ (Шакири, 120), Фирмино (Ориги, 105).
Фламенго – Диего Алвес, Рафинья, Филипе Луис, Мари, Родриго Кайо, де Арраскаэта (Витиньо, 77), Жерсон (Линкольн, 102), Эвертон Рибейро (Диего, 82), Арао (Беррио, 120), Габриэл Барбоза, Бруно Энрике.
Огоҳлантиришлар: Мане (45), Салоҳ (81), Витиньо (90), Фирмино (100), Милнер (105), Диего (112).