АПЛ. «МЮ» бу сафар «Ливерпуль»га қаршилик қила олмади (видеошарҳ)

«Ливерпуль» рекордни янгилашда давом этади. Мерсисайдликлар дастлабки 22та ўйиннинг 21тасида ғалаба қозониб, битта дуранг қайд этишди.

Клопп жамоаси ўша битта дурангни "Олд Траффорд" қайд этган эди. Жамоа бугун ўз уйида "Манчестер Юнайтед"ни мағлуб этди.

Баҳснинг 14-дақиқасида ҳисоб очилди. Бурчакдан етказилган узатмани Виржил ван Дейк бош билан дарвозага жойлаб қўйди.

Тўп назорати ва хавфли вазиятлар бўйича устунлик "Ливерпуль" томонида бўлган бўлса-да, Сульшер голга тортадиган бир нечта вазиятлар яратишди. Жумладан, учрашувнинг 41-дақиқасида Перейра 2 метрдан тўпни дарвозага бура олмади.

Мезбонлар иккинчи тайм бошида ўйин тақдирини ҳал қилиб қўйишлари мумкин эди. Аммо Хендерсоннинг 16 метрдан йўллаган зарбаси натижасида тўп устунга тегиб қайтди. Орадан кўп ўтмасдан Марсиал ажойиб имкониятни кўкка совурди. Антони Перейра билан "девор" жарима майдонига кириб борди ва яккама-якка вазиятда дарвозагача 7-8 метрлардан ноаниқ зарба берди.

Ўйинга қўшиб берилган дақиқаларда "МЮ" бурчак тўпини ўйинга киритди, аммо мезбонлар қарши ҳужумга ўтиб кетишди. Муҳаммад Салоҳ яккама-якка вазиятда Давид де Хеани доғда қолдирди — 2:0.

Шу тариқа, "Ливерпуль" ўз очколарини 64тага етказиб, битта захира ўйинига эга бўлган ҳолда "Манчестер Сити"дан 16 очкога илгарилаб кетди.

АПЛ, 23-тур
ЛИВЕРПУЛЬ – МАНЧЕСТЕР ЮНАЙТЕД - 2:0 (1:0)
Голлар: 1:0 – 14 ван Дейк, 2:0 – 90 Салоҳ.
Ливерпуль – Алиссон, Робертсон, Гомес, Александер-Арнолд, ван Дейк, Хендерсон, Окслейд-Чемберлен (Лаллана, 66), Вейналдум, Мане (Фабиньо, 83), Фирмино (Ориги, 83), Салоҳ.
Манчестер Юнайтед – Де Хеа, Уан-Биссака, Линделеф, Уильямс (Гринвуд, 74), Шоу (Диогу Далот, 87), Матич, Джеймс, Фред, Перейра (Мата, 74), Марсьяль, Магуайр.
Огоҳлантиришлар: Матич (8), Де Хеа (25), Шоу (72), Салоҳ (90).