Қишки дедлайнлар тарихидаги энг қиммат футболчилар билан танишинг

Қишки трансфер ойнасида Брунони инобатга олмаса, “бомба” трансферларга кўзга ташланмагани рост. Грандлар харид қилишни истамган бўлса, ўртамиёна жамоалар 15-20 миллионлик футболчилар билан чекланишди. Бугун Қишки трансфернинг сўнгги кунида қўлга киритилган энг қиммат футболчилар ҳақида сўз боради.

5 ўрин, Виллиан (Бразилия)

Айни дамда Жанубнинг иккини двизионида иштирок этаётган “Анжи” 2013-йилда “Шахтёр”дан Вилланни 35 миллион евро эвазига “тортиб” олган эди. Одил Аҳмедов, Роберто Карлос, Этo'о… Ёдингизга тушдими? Доғистонликлар учун ширин тушдек ўтган йиллар тарихда ҳам ўз изини қолдириб кетган.

4 ўрин, Энди Кэрролл (Англия)

“Ливерпуль” тарихидаги қишки энг омадсиз харид 2011 йилда амалга оширилган Ўша йили “қизиллар” “Ньюкасл” жамоасига ҳеч қандай эффект бермаган ҳужумчи учун 41 миллион евро тўлашган эди. Торресни сотиб юбориш эвазига қўлга киритилган пуллар шу йўсинда ҳавога учиб кетган, бироы Суарес ҳам айнан шу пулларнинг бир қисмига харид қилинганини унутмаслик лозим. Бир ярим мавсум давомида 9 рақамда ҳаракат қилган футболчи кейинчалик “Вест Ҳем”га икки баробар арзон нархда сотиб юборилган.

3 ўрин, Бруно Фернандеш

Узоқ давом этган музокаралардан сўнг, “Спортинг” ўз тарихидаги рекорд суммага эга чекни қўлга киритди. “Қизил иблислар” португалиялик футоблчини қўлга киритиш учун 55 миллион евродан воз кечишганидан хабарингиз бор. 25 ёшли ярим ҳимоячи 2017 йилда “Фиорентина”дан 9 миллион еврога сотиб олинганида, клуб мухлислари жамоани кескин танқид қилишган эди.

2 ўрин, Фернандо Торрес (Испания)

2011-йилда испаниялик футболчи Ливерпулни Лондонга алмаштириш орқали ўз ҳайотидаги энг катта хатолардан бирни амалга оширган десак, муболаға бўлмайди. Тан олиш лозим “Ливерпуль” ҳужумчи учун ўша давр ҳисоб-китоби бўйича чакана пулни қўлга киритмаган,(58,5 миллион евро) бироқ “элнино” даражасидаги соф ҳужумчи бошқа “Ливерпул” либосини кийганича йўқ(Суаресни инобатга олмаганда ва Фирмино хафа бўлмайди деган умиддаман).

1 ўрин, Пьер-Эмерик Обамеянг (Габон)

2018 йилда Дортмунддан Лондонга кўчиб келган габонлик футболчининг трансфери ҳали-ҳамон кўплаб баҳс ва мунозараларнинг асосий сабабчиси. Жамоа сародорлик боғичини тақишга ҳам улгурган ҳужумчи қанчалар яхши тўп сурмасин, “Арсенал”нинг омадис ўйинлари фонида бу кўзга ташланмай қолмоқда. Артета барчасини жойига қўйса, Обамеянг дунёнинг энг кучли ҳуужумчисига айланиши мумкин. Ҳужумчининг ҳисобида 57 та гол ва 13 та ассист мавжуд эканлигини инобастга олсак, унинг учун “кононирлар” тўлаган 63,75 миллион евр тўлиқлигича оқланмаганини дарров пайқайсиз. Агар, ҳужумчи ёзда “Барселона”га ўтиб кетмаса, бу пулларни оқлашга қодир.