Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

Лаутаро Мартинес қайси клубга ўтади?

Италиянинг “Интер” жамоасидаги ишончли ўйинлари билан барча грандларнинг эътиборини тортаётган Лаутаро учун асосий даъвогар номи маълум бўлди.

Бу ҳақида “TYCSports” нашри хабар бермоқда. Манбанинг маълум қилишича, “Реал Мадрид” жамоаси футболчининг шартномасида кўрсатилган 120 миллион еврони тўлашга тайёр эканлигни расман маълум қилган. Бундан ташқари, “қироллик клуби” аргентиналик футболчига йилига 14 миллион евро маош кўрсатилган 5 йиллик шартнома ҳам таклиф қилишни режалштирмоқда.

Эслатиб ўтамиз, ҳужумчи учун курашда “Барселона” ПСЖ жамоалари ҳам мавжуд. Футболчининг ўзи, келажаги борасида якуний қарорини эълон қилганича йўқ.

“Манчестер Юнайтед” дарвозабони “тренд”да!

Айни дамда “Шеффилд” клубида ижара асосида фаолият олиб бораётган дарвозабон – ДинҲендерсон билан бир йўла бир нечта гранд жамоалар қизиқиб қолди. ТаниқлиESPNнашрининг маълум қилишича, улар орасида ПСЖ, ва “Челси” жамоалари асосий даъвогарлар саналади.

Дарвозабоннинг ҳуқуқлари “Манчестер Юнайтед”га тегишли. Шундай бўлсада, Дин Де Хеа сабабли “қизил иблисалар”нинг иккинчи дарвозабони бўлишни истамаяпти. Агар дарвозабон мавсумни кўтаринки кайфиятда якунлашни уддаласа, келаси мавсум гранд жамоалардан бирининг асосий дарвозабони бўлиши аниқ.

Гундузининг келажаги ҳал этилди

Лондоннинг “Арсенал” жамоаси таянч ярим ҳимоячиси Маттео Гундузи борасида жиддий қарор қабул қилди. Унга кўра, клуб 20 ёшли футболчи билан шартномани узайтирадиган бўлди. Бундан ташқари, унинг маоши ва тавон пули ҳам катталашади.

Жамоа Гундузини жамоада олиб қолиш учун унинг тавон пулини 100 миллион атрофида қилиб ўрнатмоқчи. Футболчининг ўзи ҳам “Кононирлар” сафида қолишга қарши эмас.

Эслатиб ўтамиз, Маттео шу кунга қадар “тўпчилар” либосида 29 та учрашувда майдонга тушишга муваффақ бўлди.

 “Ювентус” ёзда кўтарасига футболчи сотмоқчи

“Туриннинг “Ювентус” жамоаси ёзда бир йўла бир нечта футболчисини трансферга қўяди”,-деб хабар бермоқда “Tuttosport” нашри.

Унга кўра жамоани биринчилардан бўлиб Миралем Пьянич, Аарон Рэмзи, Дуглас Коста, Гонсало Игуаин, Алекс Сандро ва Федерико Бернардески тарк этади.

“Юве” кетган футболчиларнинг ўрнини ёш ва келажаги порлоқ Сандро Тонали, Корентен Толиссо, Риккардо Орсолини, Филиппе Коутиньо, Эмерсон ва Леандро Паредес сингари футболчилар билан тўлдиришни режа қилган.

Шунингдек, Турин клуби Лео Мессининг жамоага ўтиши борасидаги миш-мишларни тарқатишдан чарчамаяпти.

“Челси” футболчиси “Аталанта”да қолади

Марио Палашич Италиянинг “Аталанта” жамоаси сафида ижара асосида тўп сураётганидан хабарингиз бор.

“Tuttomercato” нашрининг маълум қилишича, “Челси” клубига тегишли бўлган футболчи ёзда Италия клуби томонидан сотиб олинади. Унинг учун “Аталанта” 15 миллиондан воз кечадиган бўлди.

Жамоа 25 ёшли футболчи билан июл ойида шахсий шартнома тузади.

Эслатиб ўтамиз, ўз вақтида Москванинг “Спартак” клуби футболчини ижара олган, бироқ уни жамоада олиб қолмаган эди. Хорватиялик футболчининг ўзи ҳам клубда қолишга қарши эмас.