Юрген Клопп: “Барчаси қийинлашмоқда”

Юрген Клопп “Ливерпуль”нинг чемпионликдан 12 очко ажратиб тургани борасида фикр билдириб ўтди.

-Юрген айни дамда жамоани чемпионликдан 4 та ғалаба ажратиб турибди холос. Қолган ўйинлар ҳақида қандай фикр билдирасиз?

- Эндиликда  очко аввалгиларидан кўра қийинроқ қўлга киритилади. Доиммо шундай бўлган ва бўлиб келмоқда. Агар мен биз бу очколарни осонлик билан қўлга киритамиз десам ҳеч ким ишонмайди. Аслида ҳаммаси қанчалар қийин эканлигини “Вест Ҳэм”га қарши учрашувда кўрдингиз.

Агар биз “Вест Ҳэм”га имкониятни бой бериб қўйганимизда борми? Ҳозир бутун Британия журналистлари бу кетма-кет иккинчи мағлубият деб шов-шув кўтарган бўлар эди. Яхшиям-ки, кечаги учрашувда ғалаба қозондик, акс холда бугун катта босим остида қолиб кетган бўлар эдик. Бундай босим билан “Уотфурд”га қарши ўйин осон бўлмаслиги аниқ эди. Боз устига, “Уотфурд” ҳеч қандай босимларсиз ҳам кучли жамоа. Мен уларнинг “Манчестер Юнайтед”га қарши учрашувларини томоша қилдим. Улар “қизил иблилсар”га қарши биринчи ўйинни яхши ўтказишди ва курашдан чиқиб кетишмоқчи эмас.

Шуни унутмаслик лозим-ки, айни дамга келиб барча жамоа натижа учун ҳаракат қилишни бошлади. Мавсум сўнгига қадар биз билан тўқнаш келадиган бирорта жамоадан осонлик билан очко оламиз деб ўйламайман. Бу учрашувлар “Ливерпуль” учун сайр бўлмаслиги аниқ. Биз шунчаки меҳнат қилишга тайёр бўлишимиз керак. Бу футболчиларимнинг фаолиятидаги энг оғир меҳнат бўлиши аниқ. Шу ўринда бутун мавсум давомида бизни қўллаб турган мухлисларга ўз минаддорчилигимни билдириб ўтмоқчиман.

Айнан улар бизни бутун мавсум давомида қўллаб-қувватлаб туришди. Мен уларнинг ҳизматларини юқори баҳолайман. Умид қиламанки, мавсумнинг ҳал қилувчи паласида улар янада фаол бўлишади. Мен “Ливерпуль” мухлислари жуда кўп эканлигини биламан. Жамоанинг дунёнинг барча нуқталарида мухлислар “бандаси” мавжуд. Улар бизни илҳомлантиришмоқда. Мухлисларимиз бошқа жамоа фанатларидан ажралиб туришади ва улар бошқа оламнинг одамлари!