Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

“Эвертон” трансфер ойнасини портлатмоқчи

Англиянинг “Эвертон” клуби ёзда “Наполи”нинг икки футболчисини АПЛга олиб келишни режалаштирмоқда. Жамоа “Наполи” клуби футболчилари Кулибали ва Алланларнинг трансфери борасида ҳаракатларни бошлаб юборган.

“LGDS” нашри берган хабарлара қараганда, бу трансферларни шахсан Карло Анчелоттининг ўзи амалга оширишни истамоқда. Манба берган хабарга қараганда, “ирислар” икки футболчи учун 100 миллион евродан воз кечишга тайёрлигини расман маълум қилган.

Эслатиб ўтамиз, Кулибали учун кураш сўнгги кунларда катта жадалик билан авж олмоқда. Сенегаллик ҳимоячини қўлга киритишни ПСЖ ва “Ювентус” клублари ҳам истамоқда.

“Тоттенҳем” “Реал” футболчисига кўз тикди

Англиянинг “Тоттенҳем” жамоаси ёзда Эдер Милитаони ўз сафига қўшиб олиши мумкин. Бу ҳаиқда таниқли “SkySport” нашри маълум қилмқода.

22 ёшли бразлиялик футболчини шахсан Жозе Моуриньо Лондонга олиб келмоқчи. Футболчининг ўзи ҳам жамоасини ўзгартиришга қарши эмас. Сабаби, у Мадридда етарлича ўйин амалиётига эга бўлмаяпти.

Манба берган хабарларга қараганда, “Тоттенҳем” Милитаони Тоби Алдервейрелнинг ўрнини эгаллаши учун ҳарид қилмоқчи. “Реал” ўз футболчисини 40 миллиондан камига сотмоқчи эмас.

“Челси” Рейсни нишонга олди

“Вест Ҳем” жамоаси ярим ҳимоячиси Деклан Рейс Лондоннинг “Челси” клуби нишонида турибди. 21 ёшли инглиз футболчиси ёзда “аристократлар” сафига ўтишга яқин турибди.

Футболчининг “болғачилар” билан тузган шартномаси яна 4 йил давом этади. Шу сабабли, “Челси” Деклан учун катта сумма тўлашига тўғри келади. Бундан ташқари, ярим ҳимоячи “Манчестер Юнайтед” нишонида ҳам турибди.

Трансфермеркет портали Декланни 55 миллион еврога баҳоламоқда. Футболчининг ўзи ҳам ёзда жамоасини ўзгартиришга қарши эмас.

Марио қаерга кетади?

Германиянинг “Боруссия Дортмунд” жамоаси ярим ҳимоячиси Марио Гетцеёзда эркин агент мақомини қўлга киритишидан хабарингиз бор. Таниқли “Билд” нашри берган хабарларга қараганда, немис футболчиси учун курашга Италиянинг “Интер”, “Ювентус” ва “Милан” жамоалари қизиққиб қолган.

Ҳозирча футболчининг ўзи келажаги борасида ҳали аниқ қарор бир қабул қилгани йўқ. Шундай бўлсада, унга турли гранд клублардан таклифлар тушишда давом этмоқда.

“Ювентус” янги ҳужумчи изламоқда

Туриннинг “Ювентус” клуби ёзда янги ҳужумчи сотиб олишни режалаштирмоқда. “LeGazzetaDellaSport” нашри берган хабарларга қараганда, клуб нишонида “Манчестер Сити” ҳужумчиси Габриел Жезуз турбид.

Манба берган хабарларга қараганда, катта эҳтимол билан мавсум сўнггида Роналду ва Игуаин жамоани тарк этиши кутилмқода. Шу сабабли, клуб Жезузни “зебра”ларнинг янги етакчисига айлантирмоқчи.

Ушбу трансфер амалга ошишига омиллар мавжуд. “Шахарликлар” тез орада Эрлинг Ҳоланд трансфери учун ҳаракатларни бошлаб юборади. Ўзи шундоқ ҳам Агуеронинг соясида қолиб кетаётган ҳужумчи учун 3-форворд бўлиш ҳуш келмаслиги аниқ.