Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

“Челси” Дембеле учун даъвогар

Лондоннинг “Челси” жамоаси      “Лион” ҳужумчиси Мусса Дембелега асосий даъвогар бўлиб турибди.

“Daily Mail” нашри берган хабарларга қараганда, футболчини жамоада кўришни шахсан Френк Лемпарднинг ўзи истамоқда.

Мураббийнинг фикрича, Дембеле ёзда жамоани тарк этадиган Жиру ва Батшуайининг ўрнини бир ўзи беркитишга қодир ҳужумчи.

Эслатиб ўтамиз, Дембеле бу мавсумда 27 та учрашувда майдонга тушган ўз ҳисобига 17 та гол ёзиб қўйган.

“Манчестер Юнайтед” ҳимоячи изламқда

Англиянинг “Манчестер Юнайтед” клуби “Наполи” клуби қанот ҳимоячиси Жованни Ди Лоренцо билан жиддий қизиқиб қолди.

“Наполи” клуби расмий сайти берган хабарларга қараганда, “қизил иблислар” 26 ёшли ҳимоячи учун 30 миллион евро тўлашга тайёр эканлигини маълум қилган.

Эслатиб ўтамиз, фулбек бу мавсумда “А серия”нинг 25 та учрашувида майдонга тушди ва ўз ҳисобига 2 та гол ва 4 та ассист ёздириб қўйди.

“Барселона” Алабани қўлга киритадими?

Каталониянинг “Барселона” жамоаси “Бавария” ҳимоячиси Давид Алабани ўз сафида кўрмоқчи эканлиги ҳақида аввалроқ маълумот берган эдик.

Transfermarketweb нашри берган хабарларга қараганда, каталонияликлар австриялик ҳимоячини яқинлашиб келаётган ёзда ўз таркибига қўшиб олади.

Клуб Алабани қўлга киритиш учун Самуэл Умтитини трансферга қўйиши кутилмқда.

Эслатиб ўтамиз, “Бавария” ҳимоячига шунингдек “Реал Мадрид” ва “Манчестер Сити” клублари ҳам кўз тиккан.

Грилиш “Астон Вилла”да қолиб кетадими?

“Мавсумни кўтаринки кайфиятда ўтказаётган “Астин Вилла” сардори – Жек Грилиш Бирмингемда камида яна бир мавсумга қолиб кетиши мумкин.

Ўтган куни футболчининг автоҳалокатга учрагани ва карантин режимини бузгани сабабли “Манчестер Юнайтед” уни сотиб олиш фикридан қайтган”- деб хабар бермоқда DailyMailнашри.

Манба берган хабарларга кўра, “қизил иблислар” раҳбарияти футболчининг хурмача қилиғидан сўнг, унинг трансферидан воз кечган ва эндиликда бор эътибор Жеймс Мэддисонга қаратилади.

Зидан яна бир ёш футболчини Мадридга олиб келмоқчи

Мадриднинг “Реал” жамоаси устози Зайниддин Зидан ёзда “Лион” клубининг 16 ёшли ярим ҳимоячиси – Раян Шеркини сотиб олиш таклифи билан чиқди.

Le10sport нашри берган хабарларга қараганда, мураббий ўспириннинг ўйинидаги ўсишидан ҳайратда. Ёш бўлишига қарамай бу мавсум “Лига 1”да 6 та учрашув ўтказган футболчи Мадридга кўчиб ўтишга тайёр эканлигини ўз ижтимоий тармоқлари орқали эълон қилишга ҳам улгурди.

Воқеялар ривожини кузатишда давом этамиз.