Трансфер оламидаги янгиликлар

 Ушбу рукнимиздаги энг сўнгги янгиликлар билан таништиришда давом этамиз.

“Ювентус” курашга қўшилади

Туриннинг “Ювентус” клуби          “РБ Лейпциг” жамоаси ҳужумчиси Тимо Вернер учун курашга қўшилади. “Sky Sport” нашри берган хабарларга қараганда, немис ҳужумчиси учун курашга киришган “Ливерпуль” ва “Интер” клублри орасида “Ювентус” ҳам бор.

Манба берган хабарларга қараганда, Вернерни “Ювентус”да Гансало Игуаиннинг ўрнини эгаллши учун сотиб олишмоқчи. “Зебра”лар аллақачон немис клуби ҳужумчиси учун 50 миллион евро таклиф қилишган.

Ҳозирча, “Буқалар” ўз етакчисининг трансфери борасида расмий маълумот берганича йўқ. Тез орада унинг келажакдаги режалари маълум бўлади.

“Бавария” Одриосоло борасида қарор қабул қилди

Мюнҳеннинг “Бавария” жамоаси “Реал Мадрид”дан ижарага олинган ҳимоячи Алваро Одрисиоланининг келажагини ҳал этди.

“Sport1 нашри берган хабарларга қараганда, “ФК Голливуд” 24 ёшли футболчининг сотиб олиш фикридан қайтган ва ижара сўнггида футболчи Мадридга қайтиб кетадиган бўлди.

Эслатиб ўтамиз, испаниялик футболчининг “Реал” билан тузган шартномаси 2024-йилга қадар мўлжалланган бўлиб, трансфермаркет уни 16 миллион еврога баҳолаган.

Ракитич қайси клубга ўтмоқчи?

“Барселона” жамоаси ярим ҳимоячиси Иван Рактич фақат биргина клубга ўтиш эвазигагина Каталонияни тарк этиши мумкин.

“Sports.es” нашри маълум қилишича, хорватиялик футболчи собиқ жамоаси “Севиля”га ўтиш учун Каталонияни тарк этишга тайёр. Эътиборлиси шундаки, агар “Барса” ярим ҳимоячини ёзда трансферга қўймаса, у келаси мавсумда эркин агентга айланиши мумкин.

Эслатиб ўтамиз, Ракитич 2010-2014-йиллар оралиғида “Севиля” шарафини муносиб ҳимоя қилган.

ПСЖ ўз услубида

Франциянинг ПСЖ жамоаси ёзда “Лион” етакчиси Мемфис Депайни ўз сафига қўшиб олишни режалаштирмоқда.

“Le’quipe” нашри берган хабарларга қараганда, Париж клуби 26 ёшли футболчининг трансфер ҳуқуқини сотиб олиш учун 50 миллион евродан воз кечишга тайёр. Ҳозирча голландиялик футболчи ўз трансфери борасида расмий маълумот берганича йўқ.

Эслатиб ўтамиз, бу мавсумда Депай “Лига 1” мусобақасининг 13 та учрашувида майдонга тушди ва 9 голга муаллифлик қилди.

“Селтик” ҳужумчиси “Арсенал” нишонида

Шотландиянинг “Селтик” клуби етакчиси Одсонн Эдуард борасида клуб расмий маълумот билан чиқди. Унга кўра, клуб ўз ҳужумчисини трансферга қўйишга тайёр, бироқ унинг трансферидан 30 миллион евро ишлаб олишни режалаштирмоқда.

“DailyExspress” нашри берган хабарларга қараганда, “кононирлар” ёзда клубни тарк этишга яқин турган Обомеянгнинг ўрнини айнан Эдуард билан тўлдирмоқчи.

Эслатиб ўтамиз, “келтлар” ҳужумчиси Шотландия чемпионатининг 27 та учрашувида 22 бор рақиб дарвозасини ишғол қилишга муваффақ бўлган бўлиб, шунингдек 8 та ассистни ҳам амалга оширган.