АПЛнинг ушбу мавсумдаги энг яхши трансферлари рейтинги тузилди

ESPN нашри Англия клублари томонидан 2019 йилнинг ёзида ва 2020 йилнинг январь ойида амалга оширилган энг яхши трансферлар рейтингини тузиб чиқди.

Рейтингни тузиб чиқишда футболчининг ўз жамоасининг ўйинига қай тарзда таъсир кўрсатгани ва унга тўланган пуллар инобатга олинди.

Унга кўра, ярим ҳимоячи Бруну Фернандешнинг «Спортинг»дан «Манчестер Юнайтед»га ўтиши АПЛнинг мазкур мавсумдаги энг яхши трансфери деб топилди. Эслатиб ўтамиз, манкунианликлар 25 ёшли португалиялик футболчини 50 миллион фунт стерлингга сотиб олишган эди.

Иккинчи поғонани Дэнни Ингз эгаллади. «Саутгемптон» ушбу форвардни «Ливерпуль»дан 20 млн фунтга харид қилишган эди.

Учинчи ўрин «Кристал Пэлас» ҳимоячиси Гари Кэхиллга насиб этди. Жамоа уни «Челси»дан эркин агент сифатида қўлга киритган эди.

АПЛнинг ушбу мавсумдаги энг яхши трансферлари рейтинги (топ-10):

1. Бруну Фернандеш («Спортинг»дан «МЮ»га, 50 млн фунт)
2. Дэнни Ингз («Ливерпуль»дан «Саутгемптон»га, 20 млн)
3. Гари Кэхилл («Челси»дан «Кристал Пэлас»га, эркин агент)
4. Габриэл Мартинелли («Итуано»дан «Арсенал»га, 6 млн)
5. Гарри Магуайр («Лестера»дан «МЮ»га , 78 млн)
6. Жеймс Маккарти («Эвертон»дан «Кристал Пэлас»га, 3 млн)
7. Нил Мопе («Брентфорд»дан «Брайтон»га, 20 млн)
8. Аарон Ван-Биссака («Кристал Пэлас»дан «МЮ»га, 50 млн)
9. Матео Ковачич («Реал»дан «Челси»га, 41 млн)
10. Исмаила Сарр («Ренн»дан «Уотфорд»га, 27 млн).