Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

Балотелли Бразилияда?!

Италиянинг “Брешиа” клуби ҳужумчиси Марио Балотелли ёзда Бразилияга кўчиб ўтиши мумкин.

“Le Gazzeta Della Sport” нашри берган хабарларга қараганда, футболчи билан “Ботофого” ва “Фламенго” жамоалари жиддий қизиқиб қолган.

Бу ҳақида футболчининг агенти маълум қилмоқда. Унинг айтишича, Марио Бразилияда тўп суришга қараши эмас.

Эслатиб ўтамиз, таниқли трансфермаркет портали футболчини 5,5 миллион еврога баҳоламоқда.

“Интер” Каванини нишонга олди

Миланнинг “Интер” клуби ПСЖ форворди Эдинсон Кавани билан шартнома имзолашга яқин турибди.

Франциянинг “L’equipe” нашри берган маълумотларга қараганда, клуб уругвайлик футболчига 3 йиллик шартнома таклиф қилмоқчи.

Эслатиб ўтамиз, Эдинсоннинг Париж клуби билан тузган шартномаси ёзда ўз якунига етади.

“Марсел” футболчиси нишонда

Яна ўша “ L’equipe”нинг маълум қилишича, “Марсел” клуби ҳимоячиси Бубакар Камара бир йўла бир нечта гранд жамоалар нишонига тушиб қолди.

Манбанинг маълум қилишича, 20 ёшли ҳимоячи билан “Манчестер Сити”. ПСЖ ва “Милан” жамоалари жиддий қизиқиб қолган.

Франция клуби ёш футболчисини сотишга қарши эмас, бироқ унинг трансферидан 40 миллион евро ишлаб олмоқчи.

Кулибали “Трендда”!

Италиянинг “Наполи” жамоаси ҳимоячиси Калиду Кулибали учун кураш авжига чиқиб бормоқда.

Британия нашрларининг маълум қилишича, сенегаллик ҳимоячи билан эндиликда “Манчестер Сити” жамоаси ҳам қизиқиб қолди.

Неаполь клуби ўз футболчисини 90 миллион евродан камига қўйиб юбормоқчи эмас. “TheSun” берган маълумотларга суянадиган бўлсак, “қизил иблислар” Кулибали учун 90 миллион тўлашга тайёр.

Эслатиб ўтамиз, аввалроқ ҳимоячи билан “Ньюкасл”. “Ливерпуль”. “Бавария”. “Арсенал” ва “Тоттенҳем” жамоалари қизиққан эди.

“Барселона” Гризман борасида қарорга келди

Каталониянинг “Барселона” жамоаси Антуан Гризман борасида якуний қарорга келди.“MundoDeportivo” берган маълумотларга қараганда, “Барса” 29 ёшли футболчини сотмоқчи эмас.

Манбада ёзишилича, “Барселона” ёзда сотилмайдиган футболчилар рўйхатини тузиб чиқди. Унга кўра : Антуан Гризманн, Лионель Месси, Ансу Фати, Марк-Андре тер Штеген, Жерар Пике ва Френки де Йонглар жамоада қолиши аниқ бўлди.