Роналду — энг кўп даромад оладиган футболчи, Месси — 2-ўринда (+рўйхат)

"Forbes" журнали жаҳоннинг энг кўп даромад топадиган футболчилар рейтингини тузиб чиқди. Рўйхатни «Ювентус» ҳужумчи Криштиану Роналду бошқармоқда.

Португалиялик футболчи 2019 йилнинг 1 июнидан 2020 йилнинг 1 июнига қадар 105 миллион доллар ишлаб топди. Уларнинг 60 миллион долларини маошлар ва мукофотлар ташкил қилса, 45 миллион долларни рекламадан топди.

Иккинчи поғонани эса «Барселона» сардори Лионель Месси банд этди. Аргентиналик футболчининг бир йиллик даромади Криштиануникига нисбатан 1 миллион долларга кам бўлди — 104 млн доллар.

«ПСЖ» форвард Неймар кучли учликка кирди. Бразилиялик ўйинчининг даромади 95,5 млн долларга тенг бўлди.

Жаҳоннинг энг кўп маош олган футболчилари (топ-10):

1. Криштиану Роналду («Ювентус») – 105 млн доллар

2. Лионель Месси («Барселона») – 104 млн

3. Неймар («ПСЖ») – 95,5 млн

4. Муҳаммад Салоҳ («Ливерпуль») – 35,1 млн

5. Килиан Мбаппе («ПСЖ») – 33,8 млн

6. Андрес Иньеста («Виссел Кобе») – 29,6 млн

7. Месут Ўзил («Арсенал») – 28,7 млн

8. Поль Погба («Манчестер Юнайтед») – 28,5 млн

9. Оскар («Шанхай СИПГ») – 27,5 млн

10. Антуан Гризманн («Барселона») – 26,7 млн