Трансфер оламидаги янгиликлар

Ушбу рукнимиздаги янгиликлар билан таништиришда давом этамиз.

Кох “Тоттенҳэм”да?!

Лондоннинг “Тоттенҳэм” жамоаси радарига “Фрайбург” ҳимоячиси     Робин Кох тушиб қолди.

Бу ҳақида таниқли Bildнашри маълум қилмоқда. Манбанинг маълум қилишича, Лондон клуби 23 ёшли немис футболчисини сотиб олиш борасида ишларни бошлаб юборган. Маълум бўлишича, Кох Ян Вертонгеннинг ўрнини эгаллаши кутилмоқда.

Эслатиб ўтамиз, Германия терма жамоаси аъзосининг “Фрайбург” билан тузган шартномаси 2021-йилга қадар амал қилади.

Вернернинг маоши қанча?

Тез орада “Челси” футболчисига айланиши кутилаётган Тимо Вернернинг шахсий шартномаси борасида янги маълумотлар пайдо бўлмоқда.

“Bild”нинг маълум қилишича, немис футболчиси “Челси” билан шартнома имзолагани учун 11 миллион еврога эга бўлади.

Унинг ҳафталик маоши 270 минг евро бўлиб, бу йилига 15,1 миллион евро дегани. Ҳозирча, шартномаси борасидаги аниқ маълумотлар шулардан иборат.

Элсатиб ўтамиз, Тимо Вернер “РБ Лейпциг” сафида Бундеслиганинг 33 та учрашувида майдонга тушди ва 26 гол+8 та ассистни амалга оширди.

Санчо қайси клубга ўтмоқчи?

Дортмунднинг “Боруссия” жамоаси вингери Жейдон Санчо фақат биргина клуб учунгина Бундеслигани тарк этмоқчи.

Bild нашрининг маълум қилишича, 19 ёшли футболчи фақат “Манчестер Юнайтед”дан келиб тушган таклифнигина кўриб чиқади. Шунга қарамай, Санчонинг бу мавсумда “қизил иблис”га айланиши жуда мушкул. Гап шундаки, “Боруссия” ўз футболчисини 118 миллиондан камига қўйиб юбормоқчи эмас.

Эслатиб ўтамиз, “қизил иблислар” трансфер ойнаси очилишидан аввалроқ банкдан 140 миллион евро кредит олишгани ҳақида расмий маълумот пайдо бўлган эди.

Флик уни олиб қолмоқчи

Мюнҳеннинг “Бавария” жамоаси устози Ханс Флик жамоаси ярим ҳимоячиси Тиаго Алкантарани ёзда сотиб юборишга қарши.

“Kicker”нинг маълум қилишича, мураббий 29 ёшли испанни клубда олиб қолиш илинжида. Жамоа таркибида Киммих ва Горетцкеларнинг бўлишига қарамай, Флик Алкантара тактик жуда муҳим футболчи деб ҳисобламоқда.

Эслатиб ўтамиз, “Бавария” плеймейкери билан АПЛ клублари қизиқиш билдирмоқда. Унинг Мюнҳен клуби билан тузган шартномаси 2021-йилда ўз якунига етади.

“Монако”га Слимани керакми?

Англиянинг “Лестер” жамоаси ҳужумчиси Ислам Слимани ёзда “тулкилар” сафига қайтадиган бўлди.

“Goal” нашрининг маълум қилишича, “Монако” жазоирлик футболчини сотиб олишдан бош тортмоқда. Ваҳоланки, Слимани “Лига 1” баҳсларининг 19 тасида қатнашган, 9 та гол ва 7 та ассистни амалга оширган. Шунга қарамай, “Монако” уни ортга қайтариб юбормоқчи.

Эслатиб ўтамиз, ҳужумчибумавсумни “Монако” сафидаижарадаўтказди. Унинг “Лестер” билан тузган шартномаси 2021-йилга қадар мўлжалланан.

Бўлиши мумкин эмас?!

Каталониянинг “Барселона” клуби ёзда ўз сафига Эдинсон Каванини қўшиб олмоқчи.

Бу ҳақида, “DiarioSport” нашри маълум қилмоқда. Манбанинг маълум қилишича, Каталония клуби молиявий танглик сабабли ёзда катта трансферларни амалга ошира олмайди. Шу сабабли, Кавани ҳужумдаги муаммоларни вақтинча беркитиб туриши мумкин.

Элсатиб ўтамиз, 33 ёшли ҳужумчи билан “Наполи”, “Атлетико”, “Ювентус” ва “Манчестер Юнайтед” клублари жиддий қизиқиб қолган.