АПЛ. Салоҳнинг «дубли» «Ливерпуль»га ғалаба келтирди (видеошарҳ)

Муддатидан аввал чемпионликни қўлга киритиб бўлган «Ливерпуль» олдида жорий мавсумда бошқа мусобақа қолмади. Мерсисайдликлар АПЛдаги очколар сонини 100тадан ошириб қўйиш учун ҳаракат қилишяпти шекилли.

Клопп шогирдлари "Брайтон"га қарши бўлиб ўтган 34-тур баҳсини анча фаол бошлаб, 8-дақиқага келиб рақиб дарвозасига 2 марта йўл топишди. Салоҳ ва Хендерсоннинг зарбалари эвазига мезбонлар посбони ўз дарвозасидан 2та тўп олиб чиқди.

Майдон эгалари танаффус қадар ҳужумкор ўйин намойиш этиб, уюштирилган бир қатор ҳужумларнинг биттасидан унумли фойдаланишди.

Иккинчи бўлим тугашига 14 дақиқа қолганида бурчакдан етказилган узатмага Салоҳ бош билан зарба бериб, "дубл"ни расмийлаштириб қўйди.

Ушбу ғалабадан кейин "Ливерпуль"нинг очколари 92тага етди.

Англия премьер-лигаси, 34-тур
Брайтон – Ливерпуль 1:3 (1:2, 0:1)
Голлар: 0:1 – 6 Салоҳ, 0:2 – 8 Хендерсон, 1:2 – 45 Троссард, 1:3 – 76 Салоҳ.
Брайтон – Райан, Данк, Уэбстер, Лэмпти, Берн, Стивенс, Гросс (Коннолли, 71), Проппер (Биссума, 71), Мак Аллистер (Муй, 71), Троссард, Мопе.
Ливерпуль – Алиссон, Гомес, Александер-Арнолд, ван Дейк, Кейта (Фабиньо, 61), Уильямс (Робертсон, 46), Вейналдум, Хендерсон (Милнер, 80), Окслейд-Чемберлен (Мане, 61), Фирмино (Минамино, 87), Салоҳ.
Огоҳлантиришлар: Уильямс (41), Мане (62), Фабиньо (78), Лэмпти (85), Гомес (89).