Назорат ўйинлари. «Ливерпуль» 7 та гол уриб ғалаба қозонди, «Тоттенҳэм»да эса ютқазди

Мавсумолди тайёргарлик жараёнини ўтаётган бир қатор клублар 5 сентябрь, шанба куни назорат ўйинларида иштирок этди.

«Ливерпуль» жамоаси «Блекпул»га қарши баҳс олиб борди ва йирик ҳисобдаги ғалабани қўлга киритди. «Қизиллар»нинг голларига Жоэл Матип, Садио Мане, Роберто Фирмино, Ҳарви Эллиот, Такуми Минамино, Дивок Ориги ва Зепп ван ден Берг каби футболчилар муаллиф бўлди.

«Тоттенҳэм» эса «Уотфорд»га қарши баҳс юритди. Домингос Кина ва Андре Грэйнинг голларига лондонликлар Сон Ҳён Миннинг киритган тўпи билан жавоб қайтарди.

«Милан» жамоаси «Монса»га қарши ўйнади. Миланликлар сафида Давид Калабрия, Даниэль Мальдини, Пер Калулу Kiaтенгва ва Лоренцо Коломбо ўз ҳисобларига гол ёздириб қўйди. Шунингдек, ушбу ўйинда «Реал»дан олиб келинган ҳужумчи Браҳим Диас дебют қилди.

Маълумот учун, «Монса» клуби «Милан»нинг собиқ хўжайини Силвио Берлусконига тегишли. 83 ёшли Берлускони айни вақтда коронавирус билан курашмоқда.

Назорат учрашувлари
5 сентябрь, шанба
«Ливерпуль» — «Блекпул» 7:2
Голлар: 0:1 – 15 Ҳемилтон, 0:2 – 33 Нейц, 1:2 – 43 Матип, 2:2 – 52 Мане, 3:2 – 54 Фирмино, 4:2 – 69 Эллиот, 5:2 – 71 Минамино, 6:2 – 85 Ориги, 7:2 – 88 ван ден Берг.

«Уотфорд» — «Тоттенхэм» 2:1
Голлар: 1:0 – 20 Кина, 2:0 – 39, пенальти Грэй, 2:1 – 79, пенальти Сон Ҳён Мин.

«Милан» — «Монса» 4:1
Голлар: 1:0 – 6 Калабрия, 1:1 – 23 Финотто, 2:1 – 40 Мальдини, 3:1 – 89 Kiaтенгва, 4:1 – 90+2 Коломбо.