АПЛ. «Ливерпуль» Салоҳнинг хет-триги эвазига дебютантни қийинчилик билан мағлуб этди

Англиянинг амалдаги чемпиони «Ливерпуль» мавсумнинг дастлабки тури доирасида узоқ йиллик танаффусдан кейин Премьер-лигага қайтган "Лидс Юнайтед" устидан қийинчилик билан ғалаба қозонди.

Лидсликлар ўйин давомида 3 марта ортда бориб, ҳар сафар ҳисобни тенглаштиришга муваффақ бўлишди. Ўйин тугашига 3 дақиқа қолганида эса ҳакам "Лидс" дарвозаси томон пенальти белгилади. Салоҳ 11 метрли жарима зарбасидан унумли фойдаланиб, жамоасига ғалаба келтирди.

Мисрлик футболчи янги мавсумни "хет-трик" билан бошлади. "Ливерпуль"нинг яна бир голи Виржил ван Дейк ҳисобига ёзилди.

АПЛ, 1-тур
Ливерпуль – Лидс 4:3 (3:2)
Голлар: 1:0 – 4, пенальти Салоҳ, 1:1 – 12 Харрисон, 2:1 – 20 ван Дейк, 2:2 – 30 Бэмфорд, 3:2 – 33 Салоҳ, 3:3 – 66 Клих, 4:3 – 88, пенальти Салоҳ.
Ливерпуль – Алиссон, Александер-Арнолд (Матип, 89), Гомес, ван Дейк, Робертсон, Кейта (Фабиньо, 58), Вейналдум, Салоҳ, Хендерсон (Джонс, 66), Мане, Фирмино.
Лидс – Мелье, Кох, Эйлинг, Даллас, Стрейк, Филлипс, Эрнандес (Робертс, 62), Клих (Шеклтон, 81), Харрисон, Элдер Кошта, Бэмфорд (Родриго, 62).
Огоҳлантириш: Фирмино (76).