Виржил ёки Фердинанд? Aгбонлахор қай бири кучлироқ эканлигини айтди

Виржил ёки Фердинанд? Aгбонлахор қай бири кучлироқ эканлигини айтди

Aнглия терма жамоаси ва “Aстон Вилла” клубидаги ўйинлари билан мухлисларга яхши таниш бўлган Габриэль Aгбонлахор AПЛ тарихидаги икки ҳимоячидан қай бири кучлироқ эканлиги ҳақида фикр билдирди.

Габриэль Aгбонлахор:

“Бугунги кундаги футбол мухлислари яқин ўтмишдаги супер ҳимоячиларни унутиб қўйишмоқда. Бу жуда ачинарли ҳолат. Мисол учун Рио Фердинанднинг қай даражада кучли ҳимоячи бўлганини янги авлод мухлисларига аёнми? Фердинанд ўзининг энг пик формасига чиққан пайтлари кўрсатган ўйинлари ҳақида соатлаб сўзлаш мумкин. Иккинчи қаватда, якка курашларда ва ҳатто жамоавий прессингда ҳам фаол бўлган Фердинандни бугунги кундаги барча ҳимоячилар учун ўрнак сифатида кўрсатишим мумкин.

Замонавий футболдаги энг кучли марказий ҳимоячи сифатида кўпчилик Виржил Ван Дейкни кўрсатади. Тўғри, у айни дамда сайёрамизнинг энг кучли ҳимоячиси, бироқ ҳали Рио ёки Винсан (Компани) даражасида эмас. «Ливерпул» футболчисини Рио билан бир қаторда тилга олишга ҳали жуда эрта. Фердинанд деярли 10 йил давомида юқори даражада тўп тепди. Бу марказий ҳимоячилар учун шунчаки супер натижа.

Унинг фаолиятида қўпол хатоларнинг учрамагани Фердинанднинг нақадар класси баланд бўлганидан далолат. Ван Дейк эса, эндигина юқори даражадаги 3-мавсумини ўтказмоқда. Яна такрорлайман, Виржил ажойиб футболчи ва футбол тарихидаги афсоналардан бири бўлиб қолади, аммо у буюклар қаторидан ҳали ўрин эгаллагани йўқ. Мухлисалар Фердинанд ёки Компани қай даражада кучли ҳимоячи бўлганини унутиб қўймаслиги лозим.”