Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

«Рома» уни олиб қолмоқчи

Римнинг «Рома» жамоаси Эдин Жеко билан билан ўртадаги шартномани узайтиришга қарор қилди.

Goal нашрининг маълум қилишича, босниялик ҳужумчи жамоа билан ўртадаги шартномани яна икки йилга узайтиришга қарор қилган.

Манбанинг маълум қилишича, «Рома» ўз етакчи футболчисини яна кўпроқ ўз таркибида қолиши учун унинг маошини ҳам бирмунча кўтариб беришга қарши эмас.
Эслатиб ўтамиз, Эдин Жеконинг «бўрилар» билан шартномаси 2022 йилда ўз якунига етади.

«Интер»дан ўзгача юриш

Миланнинг «Интер» клуби Колубмиялик дарвозабон Камило Варгас билан шартнома имзолаши мумкин.

Goal нашрининг маълум қилишича, "Aтлас" клубининг 31 ёшли дарвозабони ҳам Европага кўчиб ўтишга қарши эмас.

Манбанинг маълум қилишича, дарвозабоннинг "Aтлас Гвадалахара" билан шартномаси 2022 йилда ўз якунига етади. Шу боис, ушбу трансфердан мексикаликлар 5-10 миллион евро ишлаб олмоқчи.

«Динамо» «Ливерпуль» футболчисига кўз тикди

Загребнинг «Динамо» клуби «Спортинг» жамоаси аъзоси Рафаел Камашу билан музокаралар олиб бормоқда.

Хорватия клубининг расмий сайти берган маълумотларга қараганда, айни дамда трансфернинг молиявий масалалари ҳал этилмоқда.

Эслатиб ўтамиз, 20 ёшли вингер Португалия клубига «Ливерпуль»дан ташриф буюрган ва қисқа муддат ичида Португалия чемпионатида ўзини кўрсатган эди.

«Рома» Сеадни нишонга олди

Римнинг «Рома» жамоаси қишда «Арсенал» ҳимоячиси билан таркибини кучайтириб олмоқчи.
LGDS нашри берган маълумотларга қараганда, «бўрилар» нишонида Лондон клуби қанот ҳимоячиси Сеад Колашинац турибди.

Манбанинг маълум қилишича, «Рома» босниялик футболчининг трансфери учун 5-10 миллион евро таклиф этмоқчи.

Эслатиб ўтамиз, Микел Артета Саад Калашинац ўз режаларига киритмаган. Шу боис, футболчи ўйин амалиётига эга бўлиш мақсадида бошқа клубга йўл олиш ниятида.