Европанинг топ-5 чемпионатларида қайси клублар чемпион бўлиши тахмин қилинди

CIES Football Observatory Weekly Post ҳафталиги Европанинг топ-5 лигаларида 2021/22 йилги мавсум учун ўз башоратларни тақдим этди.

Прогноз ўйинчилар тажрибаси, таркибни шакллантириш учун сарфланган маблағлар ва ҳар бир жамоанинг ўтган йилги кўрсаткичларини ўз ичига олган статистик маълумотларга асосланган.

Англия премьер-лигаси-2021/2022
АПЛда кучли тўртлик ўтган мавсумдагидек бўлади, яъни «Манчестер Сити» яна «олтин» олади. "Манчестер Юнайтед", "Ливерпуль" ва "Челси" кучли тўртликка кирса, «Тоттенхэм» эса яна «Эвертон»ни ортда қолдириб бешинчи бўлади. «Норвич», «Уотфорд» ва «Ньюкасл» жамоалари АПЛдан тушиб кетиш учун энг «муносиб» номзодлардир.

Испания Ла лигаси-2021/2022
2020/21 йилги мавсумдан фарқли равишда Испанияда ким чемпион бўлиши мумкинлиги борасидаги тахмин ўзгарган. «Реал» «Атлетико» ва «Барселона»ни ортда қолдирган ҳолда Ла лигада ғолиб чиқиши тахмин қилинди. "Севилья" кучли тўртликка кириши кутилмоқда.

Италия А серияси-2021/2022
Италияда «Интер» «Наполи» ва «Милан»ни ортда қолдиради, "Рома" кучли тўртликка қиради. «Ювентус» эса "Аталанта"дан пастда қолган ҳолда атиги олтинчи бўлади.

Германия Бундеслигаси-2021/2022
"Бавария" бу сафар ҳам чемпионликни ҳеч ким бермаслиги тахмин қилинмоқда. «Вольфсбург» катта эҳтимол билан Бундеслигада «Боруссия» Дортмунд ва «Байер» Леверкузен клубларини ортда қолдириб 2-ўринни эгаллаши мумкин.

Франция Лига-1
Франция турнир жадвалида «ПСЖ» бир йиллик танаффусдан кейин яна олтин медалларни қўлга киритиши кутилмоқда. Кейинги поғоналарни «Марсель», «Лион» ва «Монако» банд этиги тахмин қилинди. Амалда чемпион "Лилль" эса 5-ўринда қолиб кетади.