Клопп ва Хендерсон МЮга қарши ғалабадан кейин фикрлари билан бўлишди

«Ливерпуль» бош мураббийи Юрген Клопп МЮга қарши ўйиндан кейин ўз фикрларини билдириб ўтди.

"Энг яхши ўйинлардан бири? Бундай деб ўйламайман, ҳозирча. Жуда яхши кун бўлди ва ҳурматсизлик қилишни истамайман. Бу ҳақда билмадим, лекин бугун эсда қоларли кун бўлди. Буни биламиз. Шуни аниқки, ўйиндан кейин «Ливерпуль»нинг узун тарихида бундай ҳодиса ҳеч қачон бўлмаганлигини менга айтишди. Бу жамоа ҳар доим ўзининг бобларини ёзишни истаган, клубнинг катта тарих китоби учун. Бугун шунақа кунлардан кичиги бўлди. Кичик боб. Буни одамлар келажакда ҳам гапиришади, юз фоиз. Чунки, бундай натижа тез-тез кузатилмайди. Ўйинни кузатиб бордим ва икки-суҳ вазиятда омадимиз келди. «Юнайтед» биринчи бўлимда гол уриши мумкин эди. Улар биринчилардан бўлиб гол уришлари керак эди, деб ўйлайман. Аммо, бу бизнинг ўйинимизга ҳеч қандай таъсир қилмайди. Қандай бўлсак, шундай ўйнаймиз".

Пол Погба икки оёғи билан Наби Кейтага ташланиб жароҳат етказишидан олгин ярим ҳимоячининг ўйинлари ҳақида

"Наби жуда ёрқин даврларни ўтказмоқда. Наби ажойиб футболчи ва бу ҳақда гапирган эдик. Яъни «Атлетико»га қарши ўйин ҳақида. У жуда ҳам соз ўйин намойиш этган эди. Кейин эса гол билан якунланган вазиятда хатога йўл қўйган эди. Бу уни бироз довдиратиб қўйди. Бундай рақибга қарши, бошқа нарсаларни ўйлаётганингизда бундай бўлиши - кутилмаган ҳолат. Лекин, шуниси аниқки, уни яна асосий таркибда туширамиз. Чунки, ҳа у жуда яхши формада, буни бизга исботлади".

«Ливерпуль» ярим ҳимоячиси Жордан Хендерсон учрашувдан кейин ўз фикрларини билдириб ўтди.

«Атлетико»га қарши ўйинга нисбатан Ибраҳима Конате мудофаа марказида Виржо ван Дейк билан тандемда ўйнаш учун туширилди.

"Уни ажойиб футболчи деб ўйлагандим. Биз жуда ҳам кам жуда яхши марказий ҳимоячилар бор, шунинг учун бу қийин Аммо, ўйлайманки у бугун топ даражани кўрсатди. "Олд Траффорд"да гол ўтказиб юбормаслигингиз керак, унинг учун хурсандман. Бугун биз учун катта кун бўлди ва буни давом эттиришимиз керак.

Ҳафта ўртасида 2:0 ҳисобида олдинда бораётиб, иккита гол ўтказиб юборганимиздан кейин хафа бўлгандик, шунинг учун бугу "қуруқ ўйин" учун ҳаракат қилишни истагандик. Бу биз учун жуда яхши бўларди ва табиийки бир қанча қойилмақом голларни ҳам урдик, буни ҳамма кўришни истайди".