ЕЧЛ. Бугун чорак финалга йўл олган яна икки жамоа номи маълум бўлади

Бугун ва эртага Европа Чемпионлар Лигаси жорий мавсумининг нимчорак финал жавоб баҳслари ўтказилади.

Кўпчиликнинг нигоҳи "Олд Трафорд"да бўладиган МЮ - «Атлетико» ўйинига қаратилган. Мазкур тўқнашувда кўплаб эпизодлар бўлиши кутилмоқда. «Аякс» ва «Ювентус» ҳам биринчи учрашувларда дуранг натижа қилгандан кейин ўз майдонларида рақибларни қабул қилишади. «Челси» эса «Лилль» меҳмони бўлади.

Бугун ва эртага бизни қандай ўйинлар кутмоқда. Тўхталиб ўтамиз.

Нимчорак финал жавоб баҳслари, тўртинчи ҳафта

15 март, сешанба

"Манчестер Юнайтед" - «Атлетико» (Биринчи ўйин: 1-1)

«Аякс» - «Бенфика» (2-2)

16 март, чоршанба

«Ювентус» - «Вилярреал» (1-1)

«Лилль» - «Челси» (0-2)

Барча ўйинлар Ўзбекистон вақти билан 01:00да бошланади.

Суарез собиқ жамоасининг асосий рақиби билан беллашади

«Атлетико» ҳужумчиси Луис Суарес Англиянинг «Ливерпуль» сафида фаолият олиб борган даврида МЮ билан жиддий рақобатлашган ва у бугун яна ўша азалий рақиб - «МЮ» стадионига ташриф буюради. У бугун асосий ишни қилмаса ҳам Луиснинг Англияга бўлган олдинги ташрифлари ёмон чиқмаган.

2014/15 йилги мавсумнинг нимчорак финалида Суарес «Барселона» сафида "Манчестер Сити" билан кечган сафар баҳсида дублга эришганди.

Аммо, уругвайлик футболчининг "туманли ўлка"га сўнгги сафари муваффақиятли чиқмаганини айтиб ўтиш керак. 2019 йилда «Ливерпуль» ўз майдонида «Барселона» устидан йирик 4:0 ҳисобида ғалаба қозониб финал йўлланмасига эга чиққанди.

"Манчестер Юнайтед" сафида эса ўтган ҳафта Англия чемпионати доирасидаги «Тоттенхем»га қарши баҳсда хет-трик қайд этиб, катта саҳнага чиққан Криштиану Роналду бугунги ўйинда ҳам етакчиликни ўз қўлига олиши мумкин.

Чемпионлар Лигаси тарихидаги энг яхши тўпурар ушбу мусобақада «Атлетико»га қарши 11 ўйинда 7 гол уришга муваффақ бўлган.

Барчаси Аллега боғлиқ эмас

Ҳаммага эътибор қаратиш қийин. Аммо, бугунги ўйинда «Аякс» ҳужумчиси Себастьен Аллега кўпроқ эътибор берилади. У ҳақида иккита фактни айтиб ўтиш керак.

27 ёшли ҳужумчи Чемпионлар Лигасидаги илк 7 ўйинида гол урган ва мусобақа тарихида дебют 7 учрашувда гол киритган биринчи футболчига айланган. Бундан ташқари 11 гол уриш учун энг кам ўйин сафлаган ўйинчи сифатида ҳам эътироф этилади.

Барчаси Аллега боғлиқ эмас. Тажрибали Душан Тадичнинг ижодкорлиги ҳамда бразилиялик Антонининг узатмалари Алленинг голли сериясини давом эттиришга ёрдам беради. Плей-мэйкер жорий мавсум Чемпионлар Лигасида ўз ҳисобига 5 ассистни ёздириб қўйган ҳолда фақатгина Бруну Фернандеш (7) ва Лерой Санедан (6) ортда бормоқда.

Амстердамга сафар қиладиган «Бенфика» жамоаси мезбон жамоанинг мана шу ҳужум учлиги ҳақида кўпроқ бош қотиришига тўғри келади.

Бугунги икки учрашув ҳам Тошкент вақти билан 01:00да бошланиши режалаштирилган.